鐵牛台灣牛肉麵

Dec 21, 2015, Monday

當我去西班牙旅行時, 慢摩摩Whatsapp我, 話阿寶麻辣火鍋關門大吉.  到我返工時, 見到阿寶舊址正在裝修.  不過我地見到以前阿寶個老闆在附近經過, 咦, 唔通唔係關門大吉, 只係唔做川菜, 改做其他食肆?

呢兩日見到店裝修好開始試業, 原來係賣台灣牛肉麵.   試業好好生意喎, 前兩日排哂長龍.  今日我們所在商業大廈走火警演習, 演習完畢, 可以早的食晏.   今日見到唔使排隊, 即刻走去幫襯吓.

坐落侍應放低餐牌, 跟著同我地講, 畫好點菜紙, 跟著先出去付款, 一陣的食物就會送過來.
我地即刻呆一呆, 怪不得平時咁多人排隊, 我地坐著睇menu己經花咗不少時間, 畫點好食物, 我們先要夾錢, 再派一個代表去付款, 已經用咗超過20分鐘.

付款之後就等食啦.  不過我地有個疑問, 好果一個人嚟, 坐低點好食物, 再要出去付款, 返到嚟個位比人坐咗點算?  哈哈, 真係唔知佢地點攪呀!

我要了台式奶茶, 味道唔錯呀!

 
 慢摩摩要了紅燒牛肉配地瓜飯

 
 兩位女同事要了大塊牛肉麵, 佢地話味道都ok.

我要了鹽酥雞肉燥飯.  味道都ok呀!

呢間鐵牛牛肉麵, 價錢都算實惠, 味道又ok, 不過坐位安排都付款方式, 真係要改善一下呀!