Macau Trip - May 25th & 26th , 2012, Day 2 - 露素餐廳午餐, 猫屎咖啡煮咖啡示範

2012年5月30日下午12:40公開累積瀏覽 585 1

May 19, 2012, Saturady in Macau

昨晚宵完夜, 成點幾兩點先至瞓, 所以今早約遲的食早餐, 九點响餐廳等.

早餐都好多人喎, 不過就無咩特別好食, 大家都係隨意食少少.  反而坐唙餐廳傾謁傾咗個幾鐘.  大約十一點幾我地check out 啦.  預備到官也街行吓. 我地食晏都訂咗嗰道.   點知落好大雨, 我地等咗好耐都無的士, 酒店嘅熱狗巴士一個鐘頭先一班, 我地唯有行出去對面, 等咗一陣就截到的士.

去到官也街, 雨細了好多, 咁行吓都方便的.  將的行理放咗喺餐廳, 我地唔使攞著周圍走.

 

估唔到, 去年去咗4次澳門都買唔到嘅肉切酥, 今次竟然唔使排隊就買到,  呢的肉切酥味道好似雞仔餅, 但係脆嘅, 都幾好味.  一陣無時間, 順便買的杏仁餅, 好耐都未試過餅心有蛋王, 同肉, 買嚟試吓.   仲有買咗三條實肉三牙.  不過今次响鉅記買, 又貴又細條.  

買完手信再去食晏.

就係訂咗呢間露素餐廳, 呢間餐廳好易搵, 係官也街第一個路口轉左就係.   好多年前食過幾次, 老闆娘Rosa的頭髮都白哂啦.


佢地嘅Menu, 唔知Luso II, 係第二代定係第二間餐廳呢, 不過無問清楚老闆娘喎.

牆上嘅掛畫都好有歷史呀!


廚師沙律


焗薯皮


沙甸魚


砵酒炆牛尾


白烚椰菜


開咗支波霸


呢餐我地覺得非常麻麻喎, 6 個人食咗hk$1,259.....又貴又麻麻好食   杯咖啡都ok, 但苦澀味重的..

食完繼續行一陣, 比型爸見到一間叫猫屎咖啡, 咁佢走入去問吓
 

問咗一杯猫屎咖啡要hk$288   

同個shop manager 傾吓, 型爸好肉忍唔著啦...... 

 

shop manager 示範一次點樣煲猫屎唔啡.... 

教我地點樣用個gas burner


呢的咖啡粉就梗係唔係猫屎咖啡啦, 佢用咗的有機嘅咖啡粉試整比我地睇


好快就煲好啦, 我地叫佢分3杯, 因為我地有3對couple 


佢仲尊誠打熱的奶, 令到的咖啡溫度唔好降低


杯咖啡煮好啦, 但飲落我就覺得唔夠濃唔夠strong, 不過飲落好滑.... 唉吔, 又飲咖啡
 

結果......我地買咗

呢個咖啡壺連猫尿咖啡套裝, hk$988


入面有呢盒40g 嘅猫屎咖啡豆.   呢款豆100g要賣hk$1,300


仲有呢包野生猫屎咖啡豆....hk$1800.

 

行咗成個幾鐘, 要趕著走啦, 大公子同佢朋友响Galaxy UA睇戲, 暫時要同的友分道揚標, 佢地唔睇戲, 我地約咗今晚食飯見.