富臨 - 金衣龍躉宴

2012年10月24日下午12:49公開累積瀏覽 584 2

October 23, 2012, Monday Night

今日返工, 特別輕鬆, 因為返一日, 明天又放假.  不過放埋今次公眾假期, 要到十二月底聖誕先再有得放啦.   又係時候安排吓十一月底, 十二月初去泰國旅行啦.

今晚有親戚請食飯, 她明天回美國, 臨走前一天請奶奶,二伯,姑奶同我地一家食飯.

訂咗美孚富臨


裝修靚咗好多, 水晶吊燈, 相信專為婚宴而設

嬸母負責訂位訂菜, 人地請, 我地咁多人, 梗係訂的抵食套餐啦.

呢個金衣龍躉宴, 星期一至四(定五呢?) HK$1,488 真係好抵食.

包6礶汽水, 兩支啤酒.  唔飲啤酒都唔可以換汽水, 阿姐話個餐送嘅, 唔飲可以唔要.

我地用HK$88, 加咗1打壽包

唔知係咪假期前夕, 好多人, 住酒樓差唔多都滿, 的侍應做到氣咳呀!

第一碟嚟啦, 叫紅袍金衣, 原來金衣係指炸脆咗嘅素鵝.  其實碟乳豬唔係好多件, 不過咁樣整起就好大碟好大睇囉.

第二碟翡翠蝦球北極蚌就唔記得影

加咗HK$100, 改為竹笙海皇翅

瑤柱扒雙蔬

蒜茸蒸扇貝

海鮑片扣玉掌, 好味喎!

清蒸沙巴躉, 條魚都唔錯

脆皮燒雞, 真係脆皮喎.

哈哈, 呢道的大閘蟹好平, 不過細隻的, hk$28一隻, 我地叫咗3隻.

雖然細隻, 都有好多羔喎.

生炒燸米飯, 我唔敢食啦, 都食唔哂, 姑奶打包比佢個仔食.

我地加嘅大壽包, 一籠6個, 兩籠食唔哂.  我包起兩個一陣去探媽媽.

甜品杞子桂花糕, 同生果盤都無影呀!

我地11個人, 食到個個都捧著個肚.

食完我就順路去青衣探媽媽, 帶咗的桂花糕同壽包. 平晚晚上, 媽媽叫佢出嚟食佢都唔願意.  媽媽見到我梗係開心啦, 雖話啱啱食完飯食唔落, 留番明天食啦.

媽媽的腦退化症又嚴重了, 問我係咪喺佢附近買咗樓, 就嚟搬去住, 仲話聽到Loki吠嘅聲音....咩都唔緊要啦....佢仲記得好就好啦.  臨走塞咗兩隻蕉比我.