芝士白汁海鮮焗飯

2012年10月5日下午12:48公開累積瀏覽 350 2

Oct 2, 2012, Tuesday Night, 國慶假期

平時去海鮮站食海鮮焗飯就食得多, 今日要喺屋企自己整呀!

青衣柳, 切片, 用鹽&胡椒粉略醃

今次想的魚柳脆的, 要黏兩次麵粉, 即係先黏一次麵粉, 再黏蛋漿, 再黏麵粉

即刻落油炸, 喜歡脆點便炸兩次

另外再預備了帶子及什錦海鮮, 用鹽及胡椒粉略醃, 落鑊用蒜蓉爆香, 盛起備用.

先將白飯放入焗碟, 再鋪上海先及炸魚柳.... 我唔記得買西蘭花呀....結果落落的芥蘭段...本來係西式, 但一落咗幾條菜, 即刻變成中式feel.

呢個時候就到整白汁啦...好大碟飯, 我要好多汁, 所以份量都幾多.. 牛油2湯匙, 麵粉4-5湯匙, 奶1杯, 水1杯, 忌廉100g(呢的份量可以自己調較, ), 調味: 鹽, 胡椒粉, 芥辣醬, 芝士.  當其時好忙影唔到相呀!


將的白汁淋上海鮮面上, 再鋪上芝士片(或灑上芝士碎)

預熱焗爐200C


焗15分鐘....

又一碟美味之作...令到"無飯"市民, 添咗幾次飯添.