Friday BBQ Night

2012年10月21日下午1:02公開累積瀏覽 295 0

October 19, 2012, Friday Night

一話好耐無gathering, 陶媽就即刻攪番個Friday BBQ night, 佢約咗陶陶幾位同學同家長, 叫埋我地一齊玩呀!

搬咗嚟呢道4年幾,  睇著陶陶出世, 今件讀K1, 時間真係過得好快, 匆匆歲月, 就喺我地身邊流走, 我地真係時時都要開開心心, 不要辜負此生呀!


今次預備咗好多適合小朋友飲嘅飲品, 提子汁呀, 橙汁呀, 水, 而我地就飲羅漢果水, 烏龍茶, 今日唔飲酒呀!

 

陶媽預備咗好多食物呀!

不過好多串燒都未開, 今日人唔多, 呢的要留起啦.

我地主打牛扒, 溶咗雪要快的燒咗佢.  今日的牛扒好靚呀!


陶爸好努力咁炭燒鯖魚, 好味呀!

十六號屋有function, 炸咗的越南春卷拎過嚟比我地食呀!

五號屋煲咗白果薏米蛋花糖水一大煲, 係用樹記買嘅碎腐皮煲架... 收到好多個like呀!   今日唔係好多人, 咁大煲諗著有的剩啦, 係有得剩, 但唔準我拎走呀!

我地食到七七八八, 就輪到到工人姐姐, 佢地都唔知幾開心, 每次我地BBQ, 佢地都係食尾圍, 有時仲要燒完打包拎走. 個個都唔使煮晚飯, 好似放半日假咁, 有得食, 有得玩 .不過咁都好, 食完幾個姐姐一齊幫手清潔, 人多好辦事, 好快攪掂, 我地開心, 佢地開心.

的小朋友細, 差唔多九點就走啦.  我地都無留太夜, 唔係食咗好多野, 半塊牛扒, 半個蕃薯加一小個粟米, 少少鯖魚, 食碗糖水就夠哂啦.  攪到陶媽剩低好多野添.

我攞咗一小嚿蕃薯比Loki, 佢食得超開心呀!