富豪軒 - 謝宴

March 16, 2015, Monday

去到旅行返嚟, 唔係我唔得閒就係日本小姐唔得閒, 約咗一個星期, 先約到Akiramay 同Sugiyama san 出嚟食午飯.   我今日要請佢地食宴, 多謝佢地幫我organize 日本之旅, 仲幫忙訂咗架平車.  順帶拎埋的手信比佢地.

今日去Sugiyama san 嘅飛佛restaurant富豪酒店富豪軒

 
請人食飯梗係早的到啦, 碟花生魚仔, 差的比我食哂.


由Akiramay揀點心, 佢知道Sugiyama san 鐘意食咩呀!  潮州粉果


 
 义燒飽






 
 馬拉糕

 
 蝦餃

 
 仲有腸粉, 芋角


另外一碟乾炒牛河

富豪軒的野幾好食架, 今餐都唔貴, 因為有25% discount.

食完都係仲要多謝佢兩位呀!

肉肉菜菜

March 15, 2015, Sunday

今早行山, 返到屋企好攰呀!  攤响張床諗著比條腰休息一下, 唔覺唔覺瞓咗個幾鐘.   跟著就要起身,  星期六日, 梗要揀一日去買餸, 唔係跟著呢個星期食咩呀!

好彩而家Cindy已經可幫手煮飯, 等我可以唔使咁緊張張羅晚飯.

 

  今晚有煎羊扒

 

鹹魚蒸肉餅

 欖菜蒜蓉蒸絲瓜, 好好味呀!
 

腐乳生菜

仲有蕃茄薯仔紅蘿蔔煲魚湯

 
今晚兩肉兩菜,  其真一肉兩菜都夠, 不過Cindy鐘意食肉, 佢鐘意就由佢食多的啦.

呢的配搭, 梗係唔係我諗啦, 我原則係菜魚肉蛋, 點會淨係肉肉菜菜.   但係我去完買餸都攰到唔願郁,佢煮咗我都唔會投訴, 當佢見到剩低咁多肉就知架啦.

南涌新娘潭行山樂

March 15, 2015, Sunday

星期日, 又要行生的日子.   自從同幾位鄰居星期日早上一齊去行山, 開始覺得有點祈待, 每星期出去行吓山, 感覺非常良好.

今次由南涌出發, 行到去尤德亭, 再行去新娘潭

呢個係出發時嘅指示牌, 去尤德亭只係半個小時, 去新娘渾要2.5小時

行到尤德亭休息一下, 我地向八仙嶺方去行去.

之前嘅一段路行過幾次, 上幾次都係行去鹿頸, 但今次行遠的去新娘潭

呢段路未行過, 的路都覺得窄的, 好似少的人行

前面望去, 好多白茫茫的東西掛在樹上

原來全部都係蜘蛛網嚟架....的網仲織得好結實

 

哈哈, 咁多蜘蛛網, 唔會有蜘蛛精麻?

去新娘潭的路比較難行, 全都是這些石路

今日仲非常大霧, 哈, 有的似拍恐怖片, 不過我地一行八人, 一的都唔驚呀!

吓, 行咗咁耐, 都仲有1.5小時....嘩, 呢道寺鶴藪要4.5小時

再行咗一陣, 個牌仲係寫1.5小時...哈哈, 有無攪錯呀!   咦, 多咗一個地方名, 叫橫山腳.

哈, 跟著仲經過呢條橫山腳北橋

 

行到荒山野嶺無得唔行, 只有繼續向新娘潭方向行去

有拍示牌就行

卒之行到山頂, 但整個山都被濃霧罩著

落山呢的石梯級好靚呀, 都要花好多錢去鋪

大約仲希半小時到新娘潭呀!

經過八仙嶺自然教肓徑...介紹植物芒萁

呢道介紹岩石的形成,石英脈

呢的就係啦.

卒之行到出新娘潭, 呢道係八仙嶺自然教育徑入口

 

換區說話, 我地可以由呢邊出發行回南涌那邊.

計計數, 我地大約行了三小時

新娘潭路對面, 是新娘潭行山徑入口

行出嚟原來有個巴士站279R(有無睇錯呢!)

仲有公廁.

的巴士都算密, 大約十分鐘就有一班.

我地call咗架的士, 四個人先上車, 包括兩位司機.  

三個人先去陳鳳記搵位, 而另一位司機就去接埋另外在新娘潭等緊的人.....在郊外等的士, call車都好難呀!

今日行咗三個鐘, 途中有的辛苦, 但大家都行得好開心, 食午餐一樣食得好開心.

假的浪漫

March 14, 2015, Saturday

家裡的飯餐燈壞了, 到廠家問又說沒有只配火牛.   找了很多家電器店配了一個火牛, 怎知用了不夠一星期, 燈又再不亮....找了很多家再也找不到, 還是找不到.   但我很喜歡這款wire light, 還是繼續努力, 花點時間去找找, 呢段時間, 就要享受吓假的浪漫.   沒有飯廳的燈, 只可靠周圍的燈火來吃飯.

昏昏暗暗的燈光, 有的人覺得很浪漫, 但我就覺得眼睛很不舒服呢!

哈, 影張相都暗的呀!  翠肉瓜炒牛肉

蒜蓉蒸茄子


煎鹹香馬友

鹹菜胡椒排骨湯

呢餐本來好滿意, 但吃飯時昏昏暗暗, 眼睛好像很不舒服, 吃完飯馬上離檯.  

哈, 唔通食中餐都要點蠟燭?