梧桐寨瀑布 - 征服了

July 5, 2015, Sunday

上星期日型爸出差, 只有我一人出席行山組, 只行了兩個瀑布便沒有繼續.  而其他組員亦都只行到第三個瀑布便回程, 大家都覺得有點若有所失.  今個星期, 我們決定一定要全程完成.

今次型爸在我身邊, 我當然大有信心, 有型爸在身邊, 心態都有的唔同.

 

跟上次一樣, 我們的車泊在林錦公路, 經過萬德苑再行, 差不多二十分鐘, 聽到了流水聲便是起點了.   這水澗亦有些像瀑布呀!

 

這裡算是正式的起點.

睇吓個地圖, 我地要由起點向上行四個瀑布, 上到山頂再落山走走回來.   呢幅圖並無標示時間,以我地估計, 應該需要三個多小時.

此處亦是大帽山郊野公園的一部份

今日有哂心理準備, 呢段路徑比大埔滘林徑難行.

 
可能大家都有心理準備, 今次覺得好快已經行到井底瀑.   上次已經去過井底瀑, 覺得無什特別,  今次無再行落去影相, 繼續向前行.

井底瀑與中瀑相距頗近, 大約多行了十幾分鐘便到中瀑

中瀑的氣勢是四個瀑之中最澎湃, 的水衝下來很急, 好有氣勢.  嚟到呢道覺得好舒服.   組員們脫鞋在此嬉水休息. 休息了十多二十分鐘, 我地又再起行. 

跟著再出發去主瀑.  呢段路程頗難行, 又斜又崎嶇, 行了差不多三十分鐘吧. 

 
到主瀑了

嘻嘻, 有狗狗先到, 正在水中消暑

 

先從主瀑的觀景台拍照.  主瀑瘦瘦長長, 又是另一番景色.   此瀑布比較長, 但沒有中瀑那種氣勢.

 

跟著才留意到, 如果要再行至下一個瀑布, 要行過對面, 瀑布左手面標示那條小徑

我們在這裡休息嬉水一會, 今次帶備拖鞋, 因石中有青苔, 唔想踏落青苔容易滑倒

停留了十多二十分鐘, 吃些乾糧朱古力蘋果, 跟著再出發

之前的路崎嶇難行, 但這段去第四個瀑布的路更難行.   此段路曾經山泥傾瀉, 很多大石滾了下來, 結果變成亂石路 (無路可行), 我們要手腳并用才可爬上去....行這段路令我想起電視劇武則天主題曲的一段歌詞...."登上懸崖峭壁的女子"...

呢段山路真的有危險.

跟著見到一個山洞, 我們要爬過山洞前面的窄路打橫行過去, 那小路很窄, 我們都要貼著山邊行

轉彎之後就見到第四個瀑布, 散髮瀑.

這瀑布比較細, 這像散髮嗎?

而右面就是瀑布流下的水沖到下面, 這裡應是下面三個瀑布的源頭吧.

瀑布左手面有個山洞, 不知是否跟前面那個洞相通

這裡地方小, 不能夠逗留太耐阻著其他遊人, 拍幾張照就走.

跟著就經過樹林, 此處道應是山頂.

 

此段山路亦不好走, 都是斜坡.  下雨天真的不要行.

 

啦啦啦啦.....見到地標啦....

這幅圖跟之前的圖掉轉.   之前的圖由下而上, 而呢幅圖則由上而下.    我們從標示??出發, 經過了四個瀑布再轉到山頂, 已經行了三份之二路程

在這分义處有一條路至大帽山, 1-1/2公里, 需時約45分鐘

而我們要去林錦公路方向, 2-1/2公里, 需時約1小時

這條路亦頗為難行, 很長的斜路, 行不完的石級.   人說上山容易落山難, 真係無講錯(對我嚟講, 上山都幾難).   不停的落石級, 其中一段石級頗高, 行落時盤骨及滕蓋都很受力, 要打橫身慢行, 好攰呀!

最開心係見到呢個標準, 到了地起點的地方啦.   由分义處行下來用了40分鐘

大家都好攰, 去到那水澗附近有張木椅可以坐下.

不過仍要多行二十分鐘, 經過萬德苑再去取車.

大家又熱又渴, 組長在車尾預備了冰涼飲品, 一飲下去, 簡直就是賞心樂事!

大家都又餓又攰, 但又非常開心, 因今次完成了整個行程.

已經下午一點幾, 大家都很肚餓, 但又唔想去上次的荷曄庭....最後決定大埔墟街市食檔啦...