荷曄庭 - 大埔林村

Jun 28, 2015, Sunday

今日行山由出發到坐低食晏, 足足五小時.   係我地行山半年以來, 行得最耐的一次.   其實行山可能行咗三個鐘, 但每一個瀑布都停留影吓相, 而佢地去到主瀑時仲除鞋浸腳, 加埋哂的休息時間, 可能都有成個鐘呀!    其他組員個個都話散哂, 不過我同另一位靚太, 在中瀑等佢地,  行得唔辛苦, 但都坐到腳都軟. 

 行完組長提議去荷曄庭食lunch, 我地個個都無所謂, 有人提議就最好. 

 開車到荷華庭都只係十幾分鐘.  資深行山領隊哈叔今次無嚟, 但幫忙訂了房間.  嚟到餐廳, 個個都又攰又餓.

 
我坐組長架車, 去到泊咗餐廳後門/側門, 而另一架車就泊咗响餐廳前面的停車埸.   開車經過正門, 見到餐廳外圍同普通村屋無咩分別, 但入到去, 原來好大及裝修得幾靚, 外面真係睇唔出.


可能第一次嚟, 覺得地方頗大, 侍應帶我地左穿右插, 入到去其中一間房.

睇吓個menu, 原來食西餐.  我食咩都無所謂, 由佢地話事啦.


我同幾位靚太, 先去洗手間換年衫, 因為全身濕哂, 如果唔抹乾身及換哂的衫, 的冷氣好凍, 好易冷親.   已經成為習慣, 行山一定帶多套衫去換.

換完衫返到嚟, 的食物好快就到啦.   我地七個人, 要了六款食物大家share嚟食,  個個都話肚餓, 但唔想食咁多呀!

海蝦鮮果沙牛, HK$138

凱撒沙律, HK$98

墨西哥薄餅, HK$128

黑松露海膽帶子燴意粉, HK$138.... 不過我海膽同帶子都無食到.

荷曄庭炒飯, HK$138

小牛扒, 呢份牛扒有26oz, HK$590

每人送了一份甜品, 椰汁紅豆糕

埋單HK$1353, 比埋貼士, 每位HK$200.

食完分兩架車離開, 另一位靚太Whatsapp的相比我, 佢又影得幾靚

原來佢地行咗去許願廊

影埋許願樹先走.

哈哈, 其實我從來都無去過許願樹, 下次要去影張相先.