大熱天時打邊爐

July 3, 2015, Friday night

呢排二公子每晚都要八點先返到屋企, 今日Cindy放假, 如果等埋二公放工先出去食, 己經好夜, 所以都係屋企食好的啦.

有咩野係最容易而又得到家中兩位男士嘅歡心呢....咪就係打邊爐囉....

我一早買哂料, 大部份只要早上由冷藏放去普通沒冰箱慢慢解凍, 到我返到屋企, 未完全解凍嘅就用水沖吓就得.

好耐都無食辣湯鍋底, 今日要辣一辣

有鯇魚腩

手打魚蛋牛丸

腐皮

手切肥

水魷牛百頁

 
響鈴

 
黑木耳


仲有讚岐烏冬

哈哈, 型爸幫忙洗幾條菜, 唔知係咪佢人太過, 佢話好攰. 要拎張櫈坐响道洗(男士係咪會搵三百個理由唔想做廚房野呢?)

我諗著二公子會陪型爸啤一啤, 點知佢話陪我飲柚子酒.

 

好豐富的一餐, 開行冷氣打邊爐, 慢慢食, 都幾過癮架.

Cindy返到嚟, 我問佢食唔食, 佢話佢有飯, 原來佢買咗燒味飯.  咁我都焯的魚蛋牛丸比佢.

 
 但菜唔想食辣, 叫佢白焯, 咁佢都有的菜食啦.

Friday night, 食得好輕鬆呀!