梧桐寨瀑布行山樂

Jun 28, 2015, Sunday

今日心情有的興奮又有的失落, 興奮嘅係今日行山行新路線, 失落嘅係型爸唔响我身邊, 今日要單拖出席.  型爸星期五出差, 要星期一先返呀!  咁型爸出差, 我都要繼續行山, 唔可以比藉口偷懶麻.

今次要行梧桐山瀑布, 聽講有的難道架.

我地去到大埔荃錦公路, 佢地唔知轉上邊道, 有個小小嘅停車場, 我地就將車泊响道.

不過睇落好似有的危險, 因為上面係斜坡嚟架.

由停車埸行出去就開始啦.

附近好多斜坡, 地政處都有標示

 

我地先經過大埔林村梧桐寨地段,呢道原來有好多住宅

 

呢間46號屋好搶眼喎, 隔離有棵大樹, 有一塊黃布貼示, 呢棵龍眼樹有300年, 留給後人丘振昌.

我諗就係呢道梧桐寨村, 華光山莊47&48號主人....

再行前的, 我地見到指示去梧桐寨瀑布嘅方向

 

經過一條小路(都仲係石屎路), 行出去見到下面有個桃花林(佢地話係桃花, 我就唔知啦)

再行過的見到一間廟, 我地見沿路都唔見有公共洗手間, 咁我地入去借用洗手間.   覺得唔係咁好意思, 就幫襯買的野品.

 

再行過的就見到地圖,  共有買個瀑布, 第一個係井底瀑, 跟著係中瀑, 主瀑同散髮瀑

 

我地行咗無幾耐, 聽到水聲...吓, 咁快到第一個瀑布....哼, 梗唔係, 呢的係山上流落嚟嘅溪水嚟咋.

 

而家先係開始呀.   不過個警告牌有的嚇人....此段路艱險難行, 只宜有經驗及裝備良好的人士前往, 天氣惡劣時切勿嘗試.  請加倍小心.

告示牌真係無講錯, 的路真係幾難行呀, 泥路好窄, 左手面已經係山邊, 唔可以兩個人一齊行.

我地大約行咗半個鐘, 呢道標示話去大帽山經瀑布要一小時四十五分鐘, 咁又好似唔係好遠喎.  不過如果我地要沿路返去, 咁就即係要雙倍時間.

到處都係呢的警告禁示, 之前應該一定發生過山洪爆發及大石滾落嚟.

睇吓的路有幾難行

大約半小時, 我地到達井底瀑

要 轉落去山下面, 去到我地影吓相洗吓面

 

 的人行開哂, 先可以影到一張靚的嘅相.

停留咗大概十幾分鐘我地又繼續行.

行多大約十幾分鐘就到中瀑

呢道好靚呀, 留意下瀑布下面嘅人就知道瀑有有幾長.  我地又逗留了十幾分鐘影吓相.  跟著又再出發.

嘩, 一行上去, 的可級真係好難行, 我係行得最慢嗰個.   前面幾位行先, 佢地見到上面嘅石級路好難行, 又直又斜, 要手腳并用先可以上.   佢地提議我同另一位女士唔好上啦, 我地留响道, 佢地上完主瀑就返嚟搵我地.  其實型爸唔响身邊我都有的驚(斜路加可級我最驚, 真係行到氣), 又唔想自己太慢影响人, 都係同另一位女士留响中瀑, 玩吓水算啦.

哈哈, 留响道都好開心, 真係估唔到, 又話咁難行, 但呢道真係好旺場, 好多人嚟, 熱鬧到不得了

有的人帶著三隻狗狗一齊嚟

仲落埋水一齊影相


有的興奮到在瀑布底打開雨傘

仲有兩位女士帶著三個女孩嚟遊水.

有後時間其他人走哂,呢道好似佢地私家泳池咁呀!

先嚟咗幾位印尼姐姐, 跟著又嚟咗一大班菲律賓人嚟呢道開餐.見到佢地都開心呀!


我地有時間就周圍影吓相.

而其他嘅組員, 就繼續去中瀑.   佢地返到嚟話比我地知, 我地唔上都係明智決定, 因為的路真係難行, 佢地行到半路都有想過放棄, 但行咗咁耐又心有不甘, 行埋落去.  

好彩有行咋, 上面嘅主瀑都好靚架.

睇吓佢地影返嚟嘅相

 

呢幅靚到......

的水非常清澈, 佢地忍唔著除哂的鞋落去浸腳.

我地在下面等咗成個鐘, 好彩有咁多人生百態, 兩個人又有傾有講, 一的都唔悶呀!

跟著我地回程, 出到去萬德苑, 有需要嘅組員又要去借用洗手間.

而我地流汗都已經流哂的水份嘅就响出面影吓花啦.   行山, 個個都全身濕哂啦.

 跟著返去攞車, 我地出發去食晏, 今日去新餐廳呀!