牛鬆生菜包

October 19, 2015, Monday

好鐘意食的包包吓嘅餸, 例如泰式肉碎生菜包, 片皮鴨, Tortillas...等等

昨天買咗幾棵好靚嘅生菜, 一心就係要嚟包包包

今日包咩...係牛鬆生菜包呀!   用牛肉碎加洋蔥碎, 菜圃碎, 蝦米碎, 炒炒炒, 調味, 最後加入花生碎就攪掂.

牛鬆肉碎生菜包

 
我地覺得好好味呀...包咗好多件嚟食呢!  淨食牛鬆生菜包都差唔多飽啦.

咁今餐仲有其他餸, XO醬水魷炒牛柏頁, 呢的係火鍋後遺餸, 但炒起好好味呢!

呢碟豉椒蒸鱔片又係火鍋後遺餸, 但一樣咁好味呀!

仲有牛腸肚肉骨茶.

呢餐都幾豐富架!

牛腸牛肚肉骨茶

October 19, 2015, Monday


久唔久都喜歡煲吓肉骨茶, 但好耐都無去馬來西亞, 好好飲响隻已經無存貨.  最近就求其响超市買就算, 唔煲就唔知好唔好飲.

平時煲肉骨茶都係放排骨又或者豬軟骨, 不過今日特別的, 用牛腸牛肚代替.  去馬來西亞時, 我見到有的店鋪用豬內臟煲肉骨茶, 咁牛腸牛肚都得啦.

呢兩包急凍牛腸牛肚, 本來買嚟整韓式牛腸牛肚鍋, 突然想整肉骨茶, 咁用咗先, 下次再買(如果好味的話)

 
無技術架, 好似平時煲肉骨茶咁, 放蒜頭, 冬菰, 今次用牛腸牛肚, 但無加排骨.  無落豬肉, 的湯無咁肥.  飲落都係肉骨茶嘅味, 但就無咗豬肉的甜味.   原來淨落牛腸牛肚係無咁好味.

肉骨茶真係要落排骨先好味架!

至於的牛腸牛肚, 今日食唔落啦, 煲完湯無咩味.....唔, 有計....

第二天, 用咖哩再炆...變咗咖哩牛腸肚....哈哈, 好味好多!

黐餐

October 18, 2015, Sunday

遠親不如近鄰, 呢句說話真係無錯架! 有好鄰居, 久唔久可以黐餐, 仲有好野食添.

今日行完山返嚟, 喺屋企敷吓mask抖咗一陣就出去Ikea買地毯(屋企兩隻野成日咬嚟咬去玩, 地磚太滑, Loki站唔穩扭親隻腳, 即刻要去買地毯) , 去到Ikea型爸收到林老闆的邀請, 今晚去佢屋企食, 嘩, 真係開心, 又有得黐餐.

哈哈, 通知得時間啱啱好, 無時間煮, 可以响Ikea買的野去佢屋企, 點都唔可以兩手空空去架.

七點幾去到株老闆屋企, 的蟹腳已經整好, 連殼都剪開, 真係細心.

香噴噴的鵝肝多士

香辣雞翼

煎大磨菇

肉眼扒

西冷

烚菜

响Ikea嘅急凍清水小龍蝦, HK$149一盒, 解凍就食得(都無時間, 要用過濾水沖先得).  不過唔記得影相.  都幾好味呀!

除咗清水小龍蝦, 再帶枝自家製梅酒去, 我同林太飲就啱啱好嘞.

又一個開心愉快的晚上.

大埔滘自然教育徑行山樂 + 華輝餐廳米芝蓮雞批

October 18, 2015, Sunday

星期天, 行山天.


仍未起床, 電話已經叮叮叮, 行山組長已經送上祝福語, 提醒我地起床啦.

大家無新提議, 我地又去行大埔滘林徑


去到突然醒起, 咦, 我地大都行紅路藍路, 呢條自然教育徑竟然無行過.  


一致通過, 行自然教育徑, 跟著再行藍路.


呢條教肓徑, 一開始就係可級, 哈哈, 有的索氣呀!  不過通常都係咁啦, 上山點會唔索氣.






一路以來行山, 都係行, 無咩留的生物狀況, 今日就留意吓啦.

 
 見到呢的可路, 都要感激漁農自然護理處嘅員工, 多年來開山建路 (嗰日睇咗個電視節目介紹先知原來佢地咁辛苦)




行吓睇吓影吓相, 今日腳程就慢少少啦.

 
不過呢段教育徑都好短, 好似行咗35分鐘就到呢道, 已經係教育徑終點


跟著路牌, 不過唔係行黃路啡路

 
我地繼續行藍路.   今日好多人行山, 沿路見到好多其他行山隊伍


去到大休息亭都坐滿人, 嚟到呢道, 好快就行完(大概20分鐘到大埔公路我地泊車處)


行到一處路邊, 見到一對男女在影相, 仲示意我地不要發出太大趕, 原來佢地見到條蜥蝪, 個身大約8寸, 條尾就有尺幾長.  哈哈, 咁我地都影張相啦.


去到大埔公路, 見到有導師帶著的小朋友, 應該係去行教育徑啦.

今日好早, 十一點已經行完, 大家商量不如去大埔間茶餐廳食米芝蓮雞批

 
呢間餐廳叫華輝

鋪外面貼咗呢張相...米芝蓮推介雞批, 仲有蘋果批

就係呢的, 一陣間試吓先.

仲係早餐供應時間, 我地就叫早餐啦.

無大檯, 我地六個人要分兩檯坐, 每檯叫一個迷你雞批同蘋果批試吓先.

每人每樣食三份一件, 又真係幾酥脆好味喎.   HK$13一年, 以茶餐廳嚟講, 唔算平但又唔貴囉.

我地唔敢叫咁多, 因為每人仲要叫一份餐呀!

型爸要了鹹牛肉炒蛋麵配奶茶HK$28

我要了牛扒一丁麵配鴛鴦, HK$33,


哈哈, 今日食咗米芝蓮早餐....;麵餐就普普通通, 間間都咁上下.  雞批同蘋果批都幾好味, 佢地外賣幾件返屋企.

跟著我地去Cycon買牛扒, 我又要入的存貨啦.