真係唔知點解, 昨晚又係瞓得唔好, 同型爸講起, 佢又係一樣. 成晚瞓瞓吓又起身, 瞓咗又好似無瞓咁, 都唔知攪咩.
好彩我地嚟係悠閒遊, 要去拜神的地方已經去咗, 今日都只係行吓食吓, 攰都無所謂.
今日泳池比較清靜, 少咗的香港人, 多咗的外國人.
又係中午時份, 我地先出發.
今日要坐酒店Tuk Tuk 去BTS Asok站, 但Tuk Tuk司機唔知行咗去邊. 本來行出去BTS都只係十幾分鐘, 但今日太陽伯伯踩行油, 熱得好交關, 唔行啦. 等一陣啦.
在直入裡面走大約5分鐘左右就會看到一個街口，街口的外面有個檔口賣榴槤和生果，轉進去大概5分鐘左手邊就會看到這間餐廳，餐廳裡面雖然没有空調，但也有風扇，座椅也不太舒服，全部都没有椅背而且人客數量也多，但裡面人人都吃得很開心和滿意。
我地今日要去BTS Phaya Thai站搵食呀! 型爸睇咗胡慧沖個blog介紹龍蝦五寶麵, 型爸最鍾意食龍蝦, 梗係想去試吓啦.
BTS Phaya Thai站的1號出口，下去後面向馬路向右走，十字路口再貼右行大約10分鐘就會見到路口有一個牌寫著 phetchaburi soi 5 (即五號巷, 我地由11巷行到5巷). 我地嘗試用Google map搵, 不過覺得方向有問題, 都係唔跟Goggle map.
行到呢條街, 問吓人, 佢地就叫我地由賣黃色衣服檔口轉入去. 泰皇就嚟生日, 好多人買黃色衫
呢間就係啦, 著呢個穿低胸吊帶衣女士的紙牌吧.
已經下午差不多兩點, 唔需要等位.
入面都係的簡陋木檯木櫈 (我見到有隻迷你小強呀! 要忍得呢的先得呀!)
胡慧沖話無冷氣, 只有風扇, 我見到有冷氣喎, 唔似係新裝
佢碗龍蝦五寶麵又加價, 499 加到599, 而家699. 699係細龍蝦. 要大的咩, 999 或1,200Baht. 型爸諗都唔諗, 要大嘅 1,200 Baht. 我地要了一碗兩份食.
呢道都貼咗好多相, 係唔係知名人士我就唔識啦.
碗麵嚟到啦, 有的失望. 我地要最大size, 諗著隻龍蝦好大隻, 但呢隻一的都唔覺大囉. 胡慧沖嗰隻大個個手機, 但呢隻好明顯唔係囉. 呢隻龍蝦有無800g, 真係唔肯定.
湯底係冬蔭公湯偏淡（不酸不辣）, 我地用筷子真係整唔開隻龍蝦，最後侍應幫我地用刀切開佢。 粉用檬粉，有的咬口，我個人喜歡米粉多的。
臨走睇吓佢地煮緊咩， 都係豬肉呀，蝦呀的東西。冬蔭公湯就一大鍋。
其實嗰道仲有其他檔口都係買燒大蝦。
呢碗龍蝦五寶麵普普通通啦，知道有梗係要嚟試吓。至於會唔會食過番尋味就睇個人喜好啦。
食完我地行番去BTS站，坐BTS返Asok, 行Terminal 21. 今日天氣好熱，要行室內嘆冷氣好的。
其實又係無特定野想買，但總之又會買到野啦。
咦！咩添好運响Terminal 21開咗間店咩？去年嚟唔覺眼嘅。見到門外好多櫈，平時好多人等位？ 哈哈，嚟到泰國，無諗著飲茶食點心喎。
行到攰, 去1/F Coffee World飲杯冰凍西茶啱的
型爸要了Green tea latte, 我要了咖啡加雪糕 (佢地餐牌無Irish Coffee, 咁型爸咪叫佢加嚿雪糕落杯咖啡囉。) 型爸唔like呀，佢杯Green tea laffe, 咖啡只有三份一杯，其他全部係冰. 飲咗兩啖已經無哂。 出去問佢，佢地話公司係咁教佢地沖，公司指引係落咁多咖啡。
跟著研究吓今晚食咩好, 係喎, 來咗第三天都未食過泰菜, 今晚食泰菜都好喎. 近Healthland有間泰菜Madam Saranair, 即刻打電話去訂位(買咗網咭幾好, 有100Baht電話費, 卒之可以用啦). 好彩, 有位呀!
七點去到, 我地食early dinner.
侍應比咗兩個餐牌, 一個係Madam Saranair(泰菜), 另一個係Big mama(意大利菜, 餐應响Madam Saranair 對面, 應該係同一個老闆啩). 今日係嚟食泰菜, 唔需要Big Mama餐牌啦.
七點嚟到, 所有檯都已經full 哂.
我地坐咗响廚房前面, 貼著另一張二人檯後面, 我地張檯好似係加出嚟. 咁無所謂啦, 有位就得啦,
咁熱, 我地唔想坐戶外呢!
要了蔬菜春卷, 泰式生蝦
炒通菜
冬蔭公湯, 嘩, 使唔使咁多草菇呀, 不過冬蔭公湯味道都ok架.
食完慢慢行番酒店. 睇吓, 戶外位仲有呀! 不過大部份客人都要求室內可以嘆冷氣.
呢餐食咗1,242Baht, 大約三百幾文港紙, 抵食啦.
返到酒店, 要執吓行理, 睇吓, 我地買咁多野, 一家塞唔落喼啦. 哈哈, 嚟時無咩野, 我地兩個都只係用個24" 喼, 入面只得一半, 現在兩個喼都塞滿, 仲要拎一個大手提袋呀!
執好野, 休息一陣, 沖個涼又去我地睡前的節目, 按吓摩先...
今日就輪到型爸遇到個吞卜帥傅, 個帥傅做做吓停咗手定著好似瞓著咗, 型爸响道笑想拍醒佢, 佢立即郁一郁醒咗, 跟著都係慢摩摩, 型爸話算啦, 的老人家做last call, 可能好攰, 由得佢啦.
我個帥傅都ok, 好過昨晚嗰位好多呀! 希望今晚按完可以好瞓的啦.
沒有留言:
張貼留言