昨晚食完晚飯先check in, 哈哈, 根本都無留意間酒店係點樣
門口簡約
大堂簡單寬敞. 不過我地都只係匆匆坐一晚, 大堂點唔緊要, 最緊要係間房ok, 張床瞓得舒服就得啦..咁當然有Wifi就加多一粒星啦.
早餐响酒店餐廳, 正如導遊所講, 麵包,麵包, 再麵包, 總之有不同的麵包. 咁粟米片, 乳酪就梗係有啦.
肉類方面都係以凍肉, 風乾火腿, 火雞胸呀咁啦
食完早餐就離開酒店開結新的一天行程.
第一站導遊帶我地去買黑毛豬火腿, 呢的黑毛豬食橡果大架
間鋪頭睇落都ok, 掛著好多火腿
其實我地都唔識
唔識唔緊要, 即刻片三種不同火腿試吓, 36個月, 48個月, 60個月. 我又入貨啦.
我地買咗, 一陣先返轉頭嚟攞, 佢地有排片的火腿呀, 片完仲要真空包裝. 佢地有排做呀!
跟著我地去參觀聖家族大教堂. 只係在外參觀咋, 無入去喎
不同路線去不同凡景點, 呢道好多其他歐洲國家嚟嘅遊客
覺得呢道的道路規劃得很好, 每條路都係單行線, 而十字路口嘅建築物都係切角, 切角位可以泊車, 放置垃圾桶. 又唔會擋著司機轉彎睇位. 讚!
哈哈, 我地睇咗個聖家族大教堂一陣就走咗去超市買野(其實在外圍, 睇嚟睇去又咪係咁), 但一買野就精神哂.
跟著又去揚子江食午飯
今日真係飲紫菜湯啦
一樣係六餸一湯,白飯任裝.
食完飯, 我地離開巴塞隆拿去"聖山".
現在就係發揮參加旅行團的最大好處.....咩都唔使諗, 食飽上車就瞓.
導遊好專業, 一上車就開講西班牙歷史, 講足一個鐘....哈哈, 佢一開始講, 的團友好快就瞓著啦. 咁佢講到咁上下就會停, 因為大部份團友都已經瞓哂.
坐咗個幾兩個鐘, 我地到咗蒙特塞拉特聖山, 呢個係自費加插的行程, 每人要EUR40. 據說蒙塞拉特是發現黑色聖母所在地, 當地人稱之為聖山.
商場門口見到一個展品聖母像, 影張相先.
呢道係教堂入口, 如果要上去睇黑色聖母像, 大概要20-30分鐘. 我地唔去睇啦, 等的有信仰嘅去摸呢個聖母像啦.
教堂建築宏偉, 哥德式建築, 中間位置就係放置黑色聖母像嘅地方
參觀完, 我地就出去睇聖山
呢的方型頭像, 又係安東尼高迪作品
嚟聖山又有收穫, 同的農民買咗她幾款芝士, 仲有榛子果仁之類的東西
跟著離開聖山, 我地去薩拉弋莎, 又係個幾兩個鐘嘅車程
去到薩拉弋莎, 我地先去參觀大皇宮
房間都唔錯, 行出去的落地玻璃窗, 呢個天時, 無冷氣, 想唔要暖氣, 最好就熄咗個冷氣, 再打開少少窗瞓
房間空間都足夠, 有小書檯
洗手間簡潔, 兩款坐廁, 切合不同宗教的人使用
呢道西餐都有紅酒, 無法, 呢道紅酒平,有的仲平過水
今日嘅餐湯, 大家都唔係幾like, 沒有味道的清湯掛麵
食飽好方便, 行上房就可以休息, 慳番的時間呀!
沒有留言:
張貼留言