水圍新皇瑪餐廳

Dec 12, 2015, Saturday

星期六, 今日有所目.  型爸話的火鍋湯料無哂, 我地要入貨呀!

以前都會叫的國內同事, 幫我地買的重慶火鍋, 麻辣火鍋. 但而家咁方便, 國內嘅大型超市就已經買得到, 咁唔好麻煩人地, 我地直接上去買咪得囉.

落馬洲過關到福田, 坐一個站地鐵到福民站, 呢道有一間大型超市叫人人樂, 我嚟過好多次.  咁就大手入貨, 買咗十包八包不同口味.

買完就响水圍搵食

 
見到呢間港式茶餐廳又大又企理, 咁入去食午餐

要了A餐湯姜白切雞

送到嚟, 嘩, 好大碟雞喎, 成半隻咁, 仲有, 原來係新鮮湯薑, 唔係平時香港用湯薑粉.   的雞非常好味, 食落有雞味仲有的依韌, 似走地雞, 正.

我地見隔離檯叫咗一客籠仔蒸膿味飯, 好似好好味咁, 我地又叫一籠, RMB35.   呢碟臘味飯亦都好好味.

每人一個例湯

另外再叫多一碟生菜.

呢餐埋單人仔九十幾文, 但我地覺得好好味.  下次嚟開要再來幫襯.

hehehehe....食完飯有咩好做呀, 上到嚟唔好嘥車費, 梗係走去按吓摩先返香港啦.