久違了的行山樂

Dec 6, 2015, Sunday

三個星期無行山, 今日歸隊啦.   初時以為無得行呀, 因為昨天下午傾盆大雨, 天文台話今朝都可能有雨.

晨早起床, 天色雖然灰暗, 但無落雨, 咁我地就如常出發.  我們怕行到一半會下雨, 今天的路線只有兩條可以選擇, 一是南涌鳳坑, 一是尤德亭, 因為呢兩條都係石屎路, 唔驚落雨的泥鬆脫, 山泥傾瀉呀!

又嚟到呢個靚景, 平時好多小白鷺, 今日唔知去咗邊

實在太靚, 影番張panorama先.

我地又去觀音廟, 天后廟, 龍王廟拜吓神先.

跟著就開始一口氣行到直昇機坪....好索氣呀!  但索氣得嚟又好開心喎.  休息幾分鐘, 我地就行去尤德亭.

呢個尤德亭,  無線好多套古裝劇都嚟過取景架!

嚟到山頂, 咁又影張相啦.

離開時見到有一個新指示牌, 寫著七木橋,  但今日唔行去睇啦, 第二日天氣好的先再去啦.


跟著去咗咗沙頭角海景茶座食午飯

要了滑蛋牛肉飯

客家炆豬肉飯

奶菜紅豆冰.

其他組員都要了公仔麵,  哈哈, 我同型爸都唔想食即食麵呢!

大家傾吓講吓, 不如行去沙頭角邊景睇吓, 中英街我地都未去過

不過原來唔得得架, 要有通行証先可以.

而汽車一樣有所規定.

無得行, 咁我地乖乖回家啦.