睇完巴塞隆拿球場, 跟著又去睇運動場. 哈哈, 見我地坐咁耐飛機, 睇吓球場運動場, 等我地多的活力.
會埸外呢舊野, 係要嚟點聖火 (用箭射上去, 想像吓都覺得好型). 而近競技場另一邊尖尖h築物係電訊發射塔, 當年要直播賽事, 就係靠佢啦!
聽聞歐洲環保做得幾好, 我見到好多地方都有呢的大大個嘅回修垃圾桶, 仲大過架車呀!
呢的係咪荔枝樹嚟架, 冬天到, 的樹葉已經枯咗, 但上面仲有兩粒果實, 真係好似荔枝呀!
哥倫布廣場對出海面就係地中海碼頭, 呢個碼頭好大, 一次過可以泊九艘遊輪呀!
我地想走去遊艇會那邊行吓
行到橋中間, 突然嗚嗚聲大作, 跟著將兩面遊客攔著, 橋中間漸漸打開
直至到打開90度, 跟著有一艘遊艇駛入, 而遊艇上高高嘅旗桿便可以順利通過
跟著橋便回復原狀. 我地又可以行過去啦.
行完呢個景點, 跟著又去下一站
巴塞隆拿大教堂, 右手面係幾百年前起的, 而左手面嘅教堂係後來加建
參觀完教堂, 跟著就去行街啦!
全部都係檔主手製, 十幾廿文歐羅, 我買咗一套呀!
跟著去隔離檔口, 呢檔賣橄欖樹木製品, 我又幫襯呀!
跟著去另一條街行吓, 跟著搵地方坐低睇吓的戰利品
睇完戰利品, 又繼續行街, 見到的雪糕, 想食, 忍著, 一陣晚餐食西班牙海鮮飯呀!
見到的小盆栽, 好想買, 忌手唔買.
突然見到剩市, 眼睛發亮, 快的行入去睇吓.
見到的什果同無花果, 又買的嚟食吓.
夠鐘要返去集合, 我地要去食晚飯啦.
呢間餐廳叫Restaurant ELS PORXOS
地方都幾大架
我好喜歡呢個corner
晚餐可以選擇飲Sangri, 紅酒, 汽水或水. 選咗呢款芬達檸檬, 香港好似未飲過. 今日已經好攰, 唔想飲酒啦.
頭盤有吞拿魚沙律, dressing 紅酒醋同橄欖油
跟著就去酒店啦! 車程大約要半小時, 其實個個都好攰, 個個在車上都眠一眠.
要好好休息, 快的適應時差.
沒有留言:
張貼留言