香檳火腿夜

November 24, 2015, Tuesday

昨天剛從葡萄牙回來, 今天就要上班.  唔知係不自覺的工作壓力, 定係時差關係, 昨晚係完全瞓唔到, 直至零晨五點才可以入睡.  但七點幾便要起壯, 只得兩個多小時睡眠.

雖然好攰, 但工作排山倒海而來, 係無時間瞌眼瞓, 只係的同事覺得, 去完旅行唔係應該容光煥發咩, 做乜咁殘架.    其實只要我放多一日假就會好的, 但三日後我又再放假.   咁呢三日唔返工點得呢.  基本上昨晚返到香港已經開始做野啦.

晚上回到家, 又忙著送的小禮物比的鄰居, 仲有的黑毛豬火腿呀! (平時收得人多, 要回禮啦!)

哈哈, 送完禮無幾耐型爸就收到行山組組長的電話, 邀請我地去佢家, 初時都唔知佢叫我地去做咩架, 哈哈.....

原來一齊飲香檳呀!  原來今日係組長夫人生日.  組長夫人啱啱放工收到我嘅禮物同火腿, 即刻叫埋我地.

組長好有心思呀, 買咗花, 買咗60個月嘅風乾火腿, 仲有靚牛扒, 諗著兩人撐檯腳.    但佢話開香檳都係多兩個人飲開心的, 所以叫埋我地.

食完佢買嘅60個月風乾火腿,唔夠喉, 我馬上返屋企攞

一包係36個同食橡果的黑毛豬火腿, 另一包係48個月...加加埋埋, 我地唔記得究竟食咗4包定5包火腿(飲吓香檳食吓火腿又幾過癮)

組長買咗幾塊牛扒, 叫佢唔使預我地, 因為我地已經食咗晚飯.  但佢好客氣, 係都要將的牛扒切到細細粒, 每人食少少喎.

仲有靚菜同手靚湯.  在家食幾好, 中中西西點樣配搭都得, 總之食得好味, 啱自己就得.

飲得慶起, 繼續開香檳, 呢枝係貴價香檳, 唔知四位定要五位數字.

仲要開完一枝又一枝, 飲咗三枝香檳啦.   組長夫人仲話要開第四枝, 唔好路啩.

跟著仲有甜品.

飲咗酒大家都High high 地, 由其是係組長, 跟著聽黑膠唱片, 繼而起舞, 雖然只係幾個人, 但都好開心呀!

其實我昨晚無咩點瞓, 真係好攰, 但見大家咁高興, 都過咗十二點先走....祝組長夫人生日快樂, 青春常註, 日日都咁開心!  

我同型爸都係一樣咁開心!