2015 Bankgok 悠閒遊 - Day 2

November 28, 2015, Saturday

昨天我地都好輕鬆吖, 但唔知點解, 我同型爸都瞓得唔好. 總係好似整晚睡不安眠.

八點半落到酒店餐廳食早餐...好多人呀!   唔知係咪酒店做promotion, 好多歐美同香港客.

東南亞區的酒店自助餐早餐當然比歐洲嗰邊豐富好多啦.

幾豐富都好, 又食得幾多吖.  我想要的魚蛋無哂, 只有雞絲麵.   整碗自製水果Yougurt

加多一塊蜜糖多士, 一杯茶就好滿足啦.

食完早餐, 就係我地去泳池hea吓嘅時間.   呢間酒店嘅泳池比較細 (大約只有15' x 25'), 雖然在8樓露天地方, 但周圍比其他大廈圍著, 私隱道不高.  不過著住泳衣游水, 都無咩所謂.

泳池的另一邊地方反面很大, 鋪了人做草皮, 但望唔到泳池就無咁好.

泳池在第二座, 而我們就住第一座.  兩座相連, 我們可以從這裡行回第一座回房間

游吓水囇吓太陽, 都幾捨意架.    在泳池差不多兩個小時, 跟著回房間梳洗又再出發, 去我們每年必到的Wat Pak Nam.

 

今次嚟到, 連入廟的那段路也加建成有蓋

呢間廟好多善信架.

拜完神出嚟, 又見到泰式天婦羅(我作架)

今次只係炸香蕉, 呢道20Baht咋.  不過只得我食, 型爸唔肯食呀!

我地坐的士由Wat Pak Nam 去到就近嘅BTS 站.   由Pho Nimit 去Mo Chit.  中途要在National Stadium轉車.

由深綠色線轉去淺綠色線Mo Chit 方向, 用兔仔咭, 無留意要幾多錢.   我地要去翟道翟呀!

 

每次嚟, 呢道都係咁多人.   今日還好, 天色比較暗, 唔算太熱.  亦都安排下午晏的先嚟, 囇起上嚟都唔使咁要命.

嚟呢道唔知有咩要買架, 總之周圍逛啦.  哈哈, 不過又一定會買到的野喎.

呢一兩年, 好興一大班人出巡咁賣廣告.

年輕賣藝人

鱷魚先生都出動埋(不過只係得個頭)

呢道有一個轉角位食檔, 的魚蛋粉好好味架.  由20Baht一碗食到而家50Baht一碗.   其他好多檔口都係食豬肉, 雞或鴨, 我唔like呀, 淨係鐘意食魚蛋米呀!

飲番杯可樂加冰, 爽.

又嚟探吓肥佬先. 佢都响道炒咗好幾年西班牙海鮮飯.  哈哈, 我都係齋睇無幫襯, 天氣熱, 唔想食炒飯呢!

哼, 冒牌包包!!!

今年又多咗好多檔椰子雪糕, 都唔知邊一檔係Original

係唔係original 都要食架啦.  現在加到40Baht

我地只係行咗兩個幾鐘就走啦, 兜咗一個大圈, 橫街小巷都無入去睇呀!

跟著我地坐BTS返Sukummit 15附近食個early dinner呀!  今晚預約咗按摩, 唔想咁夜食晚飯.

我地早上經過, 見到呢道有間Korean Restaurant, 晚上即刻嚟幫襯

呢間餐廳叫JinSeng 人參呀!

餐廳入面貼咗好多名人(我諗係啩, 因我唔識)簽名嘅相.  咁呢道的應該好正宗啩.

呢道用gas爐燒著的黑炭, 再蓋上鐵碟, 咁即係炭爐燒?

六小碟, 叫了一客生菜用來包用食.

 

先來一碟牛脷 (都係言語不通, 呢碟牛脷叫多咗)

   叫了一客和牛

另外要了一客牛肉set, 今晚係全牛餐.    侍應無話我地知牛set入面有牛脷, 所以就叫多咗.  

包著的牛肉嚟食, 都OK嘅.   不過我地覺得的牛肉無咩牛味.   同我地响日本食嗰的相差好遠.

韓國醬拌生菜沙律, 型爸話OK, 但我就覺得麻麻.

海帶湯

食韓國燒烤, 飲番杯冰凍啤酒, 都好爽嘅.

呢餐2830Baht, 大約港幣700元.

晚餐時二公子whatsapp我地, Whisky仔又咬爛佢對拖鞋.    唉呢隻衰野真係曳, 大大話話咬爛咗十對拖鞋, 我兩雙皮鞋, 一對涼鞋, 型爸兩對波鞋繩.  型爸就寬宏大亮, 話佢牙痕, 大的唔會架啦.  賠償我地的損失, 爛咗買個對新喎.

 
 我地即刻whatsapp二公子, 買咗新拖鞋比佢啦.

食完晚飯, 我地返酒店沖個涼休息吓先去按摩.

由酒店行過去, 都只係七八分鐘, 好方便呀!

泰式按摩都只係500Baht一位, 兩小時, 好抵呀!   外面好多泰式按摩都加到800Baht啦.

型爸嘅按摩師好的, 我嗰個上咗年紀嘅就淨係識吞卜(偷懶),  有時都係要睇吓好唔好彩, 遇唔遇到個好師傅.

按完返到酒店都只係十二點, 希望今晚有覺好瞓啦.