雙牙之旅 - Day 7

November 19, 2015, Thursday 哥多華 -  阿爾罕布拉宮- 白色山城 - 馬拉加

昨晚執拾好行理, 早上時間就輕鬆的, 可以慢慢食個早餐.

 早上七點幾落到酒店大堂, 好清淨呀!

仲有時間, 出去影吓間酒店先.   哈哈, 冬天日照時間短, 個天仲未光呀!  灰濛濛, 好似晚上咁.

其實呢間酒店都唔錯, 只不過入口嗰幾級樓梯就真係有問題.   昨天我地攞著行理, 要拎上嗰十級八級樓梯都幾係.   導遊哥哥就要幫吓手啦.   咁大間酒店, 竟然無傷殘設施, 如果坐輪椅咁點呀!

 跟著去餐廳食早餐, 好多團友都已經落咗去啦.

早餐都係嗰的啦

 

 呢排食多咗蜜瓜火腿呀!

 呢間酒店附近, 種咗好多橙機呀, 不過西班牙的橙麻麻地好食呀!

跟著乘車去參觀阿爾罕布拉宮, 呢段又係長車程, 兩個幾小時呀!

 

去到又有當地導遊, 每人派一個耳機及一張入場卷.    咁導遊講解時我地就可以聽到.     當地導遊只識講西班牙文及英語, 有的團友唔識聽, 又係我地香港導遊講哂.

 

 响呢道又影咗好多相

 呢個位置係當年外國使節或商人嚟朝見國皇坐的地方

 

以前的工匠真係犀, 天頂都要雕得好靚, 仲要簽名.   雕得唔好, 要殺頭架.

 唔同時間影, 兩個不同效果

 前人都真係幾聰明

 幾百年前已經識用水冷流動氖冷氣

 
 的水就係由個池循環流出去不同嘅宮殿

 睇吓的樓頂, 那藍色的可雕, 晚上會發光架

 亦有介紹建築所用物料

跟著去參觀Sauna房

Sauna Room 仲有兩層, 作帝王者真識享受

 

房內樓頂用木製

 由呢道望落去, 可以俯瞰整個格拉那達市.

 上面影落去, 呢道就係入場時好似迷宮嘅入口

參觀完行出去, 呢坐咁靚嘅食博物館嚟架.

 跟著我地去食中午飯

呢間叫Ichiban II, 不過唔係食日本野喎.

慣常的六餸一湯, 白飯任裝

 食完又要坐兩小時車, 去白色山城, 呢個又係自費項目, 每人EUR30.

 坐咗兩個小時

卒次到啦.  呢道的屋又建得幾靚.

 

 各團友落車之後, 第一時間就係搵洗手間啦.  我地要認著呢道, 回程都係呢道集合.

 

呢道有驢仔車坐, 姑奶話唔坐, 咁唔坐就唔坐啦.

 我地由呢條好靚嘅樓梯行上去, 上面有好多賣皮革用品嘅店舖, 不過我覺得的野好out, 真係買唔落手.

買唔到皮革都買的橄欖油, 潤唇用品, 最開心係買到藏紅花.

 跟著同姑奶去睇吓個迷你鬥牛場.   我地行吓行吓竟然迷了路, 唔知行咗去邊

 哈哈, 竟然比我地見到一間香港樓.

迷路都唔使驚, 路在口邊, 只要問吓Donkey Taxi station 响邊就搵到架啦。十幾分鐘就見番的團友.

跟著我地上車去酒店, 又要坐個幾鐘, 都真係幾攰

傍晚時份到達馬拉加近海的酒店，呢道係遊客區

 我地住嘅酒店叫Hotel LAS Piramides, hotel 隔離有四粒星，係咪即係四星hotel呢?

放低的行理, 坐一陣就落去餐廳食晚飯.....今晚食自助餐呀!

好耐都無見過咁多人, 全部都係年長的外國遊客, 整個餐廳都坐滿.  但我們旅行團, 已經安排了房間給我們

  
 我地又係可以選擇飲水或紅酒

 
 唔好以為自助餐有好多野食呀, 都係的沙律火腿芝士咁啦.  呀, 熱菜有豬肉, 牛肉同雞髀, 但的肉全部都係嚡烚烚.


蘑菇湯都係裝少少試吓味好啦. 


的甜品好難食, 的布丁水溜溜的, 只有那啫哩糖暖好味.

不過點樣都會食得飽嘅.

 哈哈, 食完我地約埋的團友, 又一齊去行超市, 個個都好似仲未買夠咁呀!

最後要講吓呢個房間, 我地住咗間甩星酒店呀!

用鮮紅色床罩，顏色恐怖，衣櫃在床則面，櫃門係兩塊鏡，令人好唔舒服，唯有打開櫃門，等塊鏡唔好照著張床。後來發現，張床無被架，要响衣櫃攞張毛毯，嘩，陳年舊毯，我唔用呀。迫著用床罩，但床罩感覺好多塵呀......著多件衫瞓啦。

 沒有風筒，只有一個甩頭甩骨的吹風機, 姑奶洗完頭, 一拉個吹風機出嚟, 成個吹頭跌咗出嚟.   打電話, 我地間房電話壞嘅, 導遊都搵唔到.   落去reception 叫人嚟整啦...唔得喎, 要明早八點....哼, 我地都check out 啦.   攪到姑奶要慢慢風乾的頭髮, 我唔敢洗頭.

酒店房間無wifi - 甩一星
無被, 要自助毛毯 - 甩一星
壞電話加難鬼吹風機 - 甩一星
無service - 甩一星

甩到無星, 咁咪甩星酒店囉!