雙牙之旅 - Day 5

November 17, 2015, Wednesday - 杜麗多古城- 聖多美大教堂(名畫-歐爾爵的葬禮)

今早比較輕鬆, 唔使執行理, 因為今晚繼續响呢間酒店住.

早上去到餐廳, 已經好多人.  好明顯呢間係商務酒店, 見到其他外國人嘅衣著, 似上班, 唔似係遊客呀!

早餐都係嗰的啦.

食完上旅遊車前, 又影吓間酒店

 

我地覺得呢間酒店都唔錯

道遊帶我地去睇吓市政廳

 

西班牙廣場(昨天好像經過過, 不過黑麻麻睇唔清楚)

早上嘅陽光, 影相就靚

食完就到我地最緊張時刻, 導遊哥哥話, 整個行程, 只有呢兩個半小時比我地响馬德里市中心嘅英國宮百貨公司(El Corte Ingles) shopping, 如果要買名牌手錶手袋, 就要馬上出動, 如果唔係就未必再有機會啦.

 

五號屋就真係唔夠時間啦, 買到呢樣又無時間買嗰樣.  買咗手錶, 同西班牙出品嘅Loewe手袋之後, 已經無時間再去睇皮褸....算啦, 導遊哥哥已經盡量比多的時間, Shopping 通常都唔會夠時間架啦.   個個大袋小袋, 滿載而歸.  我地一點半先集合出發去食午飯.

去食飯都要坐個幾鐘頭, 去到兩點幾, 大家都好肚餓呀!  呢餐大家一定夠飽, 因為係食西班牙烤乳豬餐.  同我地嗰日响塞哥維亞古城嗰種乳豬唔一樣架.

 

 呢間餐廳好靚呀!

西班牙餐廳, 好多時都放個鐵甲士兵

午餐, 飲水無紅酒....見到有黑橄欖, 我鐘意呀!

牛油麵包配南瓜湯

呢碟就係我地今日食嘅烤乳豬.  呢隻乳豬, 大隻過我地呂塞哥維亞古城自費嗰餐.

所以份量都幾大, 我食唔哂呀!

 

甜品係什果雪糕

食完就周圍影吓相啦, 天氣好好呀!

跟著我地就出發去杜麗多中世紀古城

嚟到古城, 我地要等待當地導遊.   呢個係關顧當地導遊, 佢嚟到都係跟著我地行, 全程都係我地香港導遊講粵語.

最深刻係參觀呢間教堂, 面係佢嘅倒影

初時目到教堂前面有個爛水池, 回合佢的水會慢慢注滿

當的水注滿時,整個教堂就會倒影在池水入面, 好特別嘅設計呀!

跟著我地去參觀聖多美大教堂, 呢間教堂外表無什特別

並無之前参觀嘅教堂咁宏偉, 佢之所以出名係因為入面有一幅名畫, 歐爾加茲伯爵的葬禮.  入面唔準影相.

呢一幅就掛响教堂入面幅名畫, 只不過呢幅係影印複製品, 當紀念品賣架.  原來紀念品都唔準影相架, 不過我唔知, 影咗.  到團友去影, 嗰位小姐唔比佢影.

 

跟著同圍行周圍影

呢個就係依莎具拉像, 原來個子細細圓圓潤潤咁啦.

今日影咗好多相呀!

跟著我地乘車返回馬德里.  下午我地兩點幾先食午飯, 而晚餐八點先食. 幾好呀!  今晚都係食西班牙菜, Tapas

餐廳叫Sotero

餐廳頗大, 我們坐的地方只是其中一角 

晚餐又係紅酒任飲

在沙律, 蛋餅

火腿

每樣一件都一大碟

 

 跟著仲有炸魷魚圈

炸馬加休球

橄欖油炒蝦仁

 

甜品係三色雪糕.  都幾好味!

我見到佢地櫃中有燉奶, 以為有得食添, 點知唔係.

不過唔好睇每樣少少, 食食吓都好飽啦.

跟著返酒店, 今晚又要執行理.   日日都買少少野, 哈哈, 個喼開始好滿啦.