雙牙之旅 - Day 10 & 11

November 22, 2015, Sunday, 里斯本-太加斯河-貝倫塔- 航海家紀念碑 - 吉隆民摩斯修道院, 葡撻專門店.

今日係我地行程最後一天 , 仲有幾個景點要行, 相信呢的都係里斯本市中心, 行程應一的都唔會趕

 

首先去貝倫塔 -  呢個堡壘外觀有伊斯蘭教式的花邊牆壁上有聖殿騎士的盾形徽章.  有趣嘅係真實版同縮小版在同一地方

用呢個角度就兩大小兩個都影到

 

 跟著去睇航海家紀念碑.  呢個係里斯本嘅標誌.  造型好像一艘行駛中的帆船, 位於船首的雕像是航海家亨利王子.

值得一提係我地導遊哥哥, 對歐洲歷史背誦如流, 讚!  (在旅遊車上也不停的講)

不停在地圖上指出各航海家所走的路線.

好多團友都專心聽他講解 (哈哈, 我除外)

跟著我地回市中心

 

呢間係吉隆尼摩斯修道院, 不過我地唔行著, 去咗食葡撻先

呢間就係有178年歷史的葡撻店.   澳門的葡撻, 都係源於此

入面超多人, 我地算好彩, 排咗幾個人就買到

除了葡撻, 仲有呢的小食

一個葡撻EUR1.05, 兩個就EUR2.1, 原來個撻好細個咋, 灑咗少許糖粉及肉桂粉在上面

咬落去, 好味呀! 入面係雞多嚟架.  

買咗野食都未必有位坐呀!

呢的都應該有百幾年歷史吧!

到我地食完走時, 外面大排長龍.  導遊哥哥話今日算人少, 有時條龍掛到去修道院呀!

 

食完我地先入去修道院

 

又係入去影吓相咁啦.    我都唔記得呢10日總共去睇咗幾多個教堂, 皇官, 古蹟.....

行程完畢, 我地要出機場啦.  多謝天公做美, 呢個行程天氣好, 樣樣順利

 

落雨都留番我地上咗巴士出機場先落雨

我地要由里斯本飛去蘇黎世, 再由蘇黎世飛香港.

好彩導遊哥哥預足夠時間, 我地要去退稅退錢, 都要一的時間

第一程飛機有一盒小食, 不過唔喜歡食芝士嘅就有的麻煩啦.

雞肉芝士, 勁多芝士.  小食又係芝士, mouse 甜品我就麻麻.

呢個盒幾好架, 食完之後將的leftover包番好, 咁空中服務員就容易收納入餐車

坐咗三個幾鐘去到蘇嚟世, 今次有成四個鐘轉機, 又可以去shopping.   不過呢道的野好貴呀, 我多買咗一枝酒咋.  瑞郎跌咗咁多, 但佢地的匯率攪到同歐羅差唔多.  不過見到枝Whisky型爸未飲過, 貴的都要買.   其實我在里斯本機場已經買咗兩枝, 用哂的quota,  現在買多枝, 過香港關有問題就搵團友幫手啦.

 

 同姑奶食咗個好貴嘅漢堡包, EUR15.9, HK$135...貴!

跟著上飛機

今天餐單

 

 個樣都唔錯

前菜甜品都ok, 主菜選了蘑菇雞肉薯菜

跟著就係一段長長嘅機程, 回程比來時好一點, 有哂心理準備...不過都係覺得好辛苦.

到我地食早餐時已經係我地行程的第十一天 (其實係香港時間下午三點幾).

諗起回定已經好開心.

整個行程叫十一天嘅行程, 真正玩的應該只有八-九天巳吧.  雖然不繼都係教堂, 古蹟, 古蹟, 教堂, 皇宮, 古蹟, 教堂.  但我同姑奶都玩得好開心.

團費都唔貴, 一萬二千幾, 自費行程六項加埋都只係EUR193(HK$1,640), 再加上導遊費, 每個人大幾萬五文, ok啦.

出到機場, 型爸嚟接我, 再送埋姑奶返屋企.   返到去我兩隻寶貝梗係撲過嚟啦.  不過呢隻whisky仔好曳, 又咬爛咗幾對鞋.

晚餐時見番的幾餸一湯都開心的.

食落Cindy的手勢好似差咗少少喎!

但家的幾餸一湯, 點都好過出面嗰的嘅.

假就放完啦, 明天一早要返工....成堆野等著我做呀!