北京老家公司聚餐

Dec 17, 2015, Thursday

今年公司聖誕聚餐老闆話要食中式唔要食西式, 佢本來提議去一間佢好鍾意嘅老牌京菜館, 但我地(的同事都係)都唔鐘意, 的餸菜肥膩, 地方殘舊, 檯布爛咗又唔會, 最難攪係的老伙計嘅服務態度, 我幾年都無去過啦.   有無改善就唔知啦, 我寧願搵過第二家啦.

老闆想食京菜, 响網上搵到呢間北京老家, 可以放到六圍.   跟著走嚟試食午餐兩次, 覺得的粉麵小食都唔錯.

 
呢的中式裝修, 老外就好鍾意啦.

再加上餐廳老闆安排咗老外們坐呢張金魚缸大檯, 比的老外覺得特別一的啦.   呢道嘅金魚缸檯有五張, 一張大四張細.   但後來發覺呢張金魚缸大檯麻麻, 為咗觀賞, 無咗個轉盤, 夾菜就好唔方便啦.

 

大堂只夠放4張大檯, 另外兩張檯就要放房間入面啦 (坐房入面嘅兩圍, 感覺上就差咗的啦)

因為要招呼的老外客人, 我今日唔得閒影相, 不過我有好多同事, 幫我影咗Whatsapp番比我.

四喜拼盤, 四樣都係我點嘅, 有素鵝, 海浙青瓜, 苣筍, 蒜泥白肉

 

芙蓉炒三鮮

 

官保大蝦


草捆牛肉, 呢碟幾好味呀!

呢碟柚子魚非常好味, 條魚炸到脆, 但下面的柚子汁就凍嘅, 開胃好味呀!


北京填鴨


上湯什菌浸豆苗


砂鍋雲吞雞, 咦, 淨係飲湯同雲吞, 無食過雞喎

小籠包


春卷


雪菜炒年糕


北京炒刀削麵

甜品係拔絲香蕉及士多啤梨, 的拔絲做得好幼, 非常好呀!  不過唔係每檯每碟都做到咁高咁靚呀!  我地呢檯布老外, 的拔絲係拉得最高.

呢餐老闆同的客人都食得好開心, 的老外客人話下次嚟香港, 都要再嚟食一次.

返到公司, 的同事話覺得的野好好味.  哈哈, 我聽到就開心啦, 即係無揀錯餐廳啦.  最緊要大家開心!