星泰真味 - 大埔超級城 一田購物

Nov 26, 2015, Thursday

放完假呢三日响公司真係做到氣咳, 整天未停過手仲要加班.   唔單止要清的back log, 仲要攪埋跟著幾天的急事.   因我明天開始又放幾天假, 同型爸去旅行呀! (掉抵咗佢十幾日, 梗係要補番啦).

返到嚟收到寄嚟嘅flyer, 一田大減價, 由11月26日至11月30日.   吓, 我呢明天開始去旅行喎, 如果今日唔去, 返到嚟就miss 咗.    好, 一於今晚放工去啦.

放工同型爸二公子開車去大埔超級城, 順便响嗰道食埋晚飯.

時間有限, 去到已經八點幾, 都唔諗咁多, 見到星泰真味, 即刻坐低食個quick dinner.

型爸要了咖哩牛腩飯

我要了豬扒喇沙

二公子要了海南雞飯


每人一杯飲品.

的野食普普通通...幾十文一個餐, 食咁上下.

跟著我地就去一田超市.....嘩, 超多人呀!   不過唔使驚, 我地已經好有經驗及策略, 我同型爸去買我地平時買開的東西.   而二公子就去排比錢條隊.   總之就嚟排到我地就停手唔買.  30分鐘內我地一家攪掂.

睇吓, 又買到水蛇春咁長....半小時都唔使.   我地係咪好有經驗呢!

返到屋企拎的野放入冰櫃.....敝!  和牛檔收錯錢.  和牛就無問題, 但和牛漢堡收多一倍錢.   好彩我同和牛檔那位小姐好熟有佢whatsapp, 即刻通知佢.

佢馬上覆我, 話唔好意思, 人太多攪錯咗.   問我要退錢定要貨.   哈哈, 梗係要貨啦.  等我呢的食到差唔多先去攞貨啦.

要執行理啦, 不過唔使好趕, 明天早上十點先出門, 仲有大把時間執行理呀!