悠閒假期後的休閒一天

Dec 1, 2015, Tuesday

昨晚由機場返到屋企已經零晨十二點幾, 同兩隻狗狗玩咗個幾鐘, 再執吓的行理都已經兩三點, 不過無壓力, 夜夜瞓都唔怕, 因為唔使返工, 繼續請多一天假.

响曼谷間酒店, 晚晚都瞓得唔好, 但返到自己屋企, 瞓番自己張床, 幾好瞓呀, 一覺瞓到大天光.  不過想瞓晏的都唔得, 隻Whisky仔唔放過我地, 一早跳上張床叫醒我地.

今天放假, 第一時間要去買餸, 補充吓屋企個糧倉.  攪掂完屋企的野, 又可以休閒一下.

同型爸上去福田我地又去按摩呀!  kakakaka, 係呀,又去按摩,响泰國按咗三天泰式,今日要去做香薰按摩.


八月份去加洲永泰開咗張咭, 入面仲有餘額, 今日用埋佢, 唔係過咗期又要再入錢

呢道地方好靚, 服務態度好, 的師傅技術都唔錯, 咁貴的都係有理由嘅.   上次嚟食晚飯, 的野幾好食, 我地今晚都唔返屋企食, 响呢道食埋先.

 

每人叫一盅椰子雪蛤燉竹絲雞, 美味

欖菜飯香蝦, 的飯炸到成脆米, 好好味, 但好熱氣...熱氣都要食呀!

睇menu, 見到的生煎飽好靚, 忍唔著要了三隻. 好味.

又叫咗碟潮式沙嗲牛河, 呢碟食唔哂, 全碟pack番屋企.  明天可以帶番公司做lunch

食完梳洗換衫返香港....好爽呀! 

休息完, 明天要返工啦.