上水寶利餐廳奇味雞煲

Dec 11, 2015, Friday night

呢幾日响公司真係做到氣咳.  係咁架啦, 放假時咁開心, 如果放咗咁多日返到公司都唔使點做, 咁即係無存在價值啦.   哈哈, 搵到自然嘅價值, 做到氣咳都係抵嘅.

卒之又Friday night, 又可以抖一抖啦.  Cindy今日放假, 我繼續唔煮呀, 忙到咁, 晚上都係出去食啦.   型爸兩仔爺又嚟夾攻我, 話要去食雞煲喎, 咁又咪即係食火鍋.   佢地話上水有好多間雞煲店, 間間都好好生意. (哈哈, 我去旅行時, 兩仔爺可能食過幾次啦)

我唔想煮, 亦都唔會掃佢地慶, 雞煲就雞煲啦.  二公子帶我地去一間叫寶利餐廳, 叫奇味雞煲呀!  嘩, 做到零晨兩點.  門口坐的人响到排隊呀!


一煲兩吃, 我地都等咗十幾分鐘先有位.  呢段等待時間, 型爸同二公子睇吓周圍附近有無其他雞煲店, 點知間間都有人等位.   哈哈, 上水的雞煲店真係咁掂!


坐低後, 二公子揸主意叫咗個奇味豬大腸雞煲

再點幾款火鍋配料

 
型爸點了個小食麻辣粉皮

 

 安格斯牛肉

 
 水間粉皮

 

 我要了一碟芹菜, 雞煲嚟時, 加入去應該好好味.

跟雞煲只得幾條菜, 我地再要多一碟生菜啦.

每人要一礶加多寶, 清吓熱氣呀!

雞煲嚟啦, 又真係幾香喎,

馬上加的芹菜, 的雞已經可以食啦.

食到的雞差唔多無哂, 就叫佢地加的湯食鍋.

三個人食哂的野都好夠啦.  埋單四佰幾文, 咁百幾文一個人都算抵食抵食嘅!  茶餐廳唔使加一, 如果去酒樓, 最少都要二三百文一位.

不過我覺得好熱氣, 馬上走去養和堂食番碗龜苓膏先.