雙牙之旅 - Day 9

November 21, 2015, Saturday, 阿蘭多葡萄酒莊 - 里斯本 - 耶穌巨像

昨晚响Flamemgo Show食完晚餐之後個胃好唔舒服, 仲想嘔添.  但我姑奶又無事, 我唔敢話餐廳的食物有事, 可能我腸胃敏感啫.

今早唔食早餐, 飲杯野算啦, 等的腸胃休息吓.

食完早餐我地乘車離開塞維爾, 我地去阿蘭多參觀酒莊

由酒店坐了1.5小時車, 在休息站休息了十多二十分鐘, 又要繼續車程

 

又坐了兩個小時, 卒之到達酒莊啦

酒莊嘅女主人出嚟迎接我地

跟著帶我們參觀酒莊

整咗的西班牙小食芝士火腿馬介休球

跟著就試酒.  本來諗著試完啱心水都會買幾枝.  但試完真係覺得的酒唔啱心水呀!  我地好想買的好嘅西班牙紅酒, 但飲落覺得so so, 咁無謂撐爆我個喼啦.

睇得出主人家花了很多心思去做擺設

午餐就响酒莊的餐廳食午飯

每檯一枝紅酒, 但我地呢團好似無咩酒客

試酒時已經吃過小食, 今天主菜係豬柳飯

甜品係葡撻.  不過的葡撻入面係custard唔係蛋.

有的團友買咗的紀念品, 臨走同女主持人say goodbye 啦.

跟著我地要繼續車程去里斯本

經過呢條好出名的4月25日大橋

耶穌巨像呢個行程, 都係自費架, EUR18.   在巨像背面, 我地影得好清楚, 但光線關係, 在巨像前面就耶穌的面就影得比較暗.

周圍影吓相

坐電梯到巨像頂層, 係售賣紀念品之處

從紀念品商店行出去露台. 從高處影下四周環境

從這裡影上去, 我們都在牠的腳下

 

 

 

  

 我地又去參觀art gallery

跟著下一個行程又係自費項目 - 羅卡海峽

呢道係歐亞大陸最西端, 呢道只有一座燈塔, 紀念碑及餐廳.

嚟呢道, 我地可以買一張"歐亞大陸最西端到達證明書"做紀念....哈哈, 講咩, 唔會買啦.

跟著我地繼續行程去里斯本, 導遊帶我們到露西奧購物中心.

              

          

星期六晚, 整條街都很多人.  好多後生一輩出動作街頭表演.   呢道出名賣濕度雞(雞形的濕度計), 哈哈, 隻雞咁肉酸, 我唔會買囉.

好想買對皮鞋, 但睇唔啱買唔落手.   失望, 購物中心但一的野都買唔到.

 但行街時我們都要很小心銀包財物, 導遊哥哥帶我去找錶行時, 我發覺有人target佢, 想打他的背包主意, (我們停下唔行時, 那男士又停下) 我馬上通知導遊哥哥, 佢即時將背包拉鍊位鎖上. (導遊哥哥後來跟我們說, 有個吉卜賽女士意圖打開他的背包, 幸好他即時發現)

呢個水池廣場, 明天我估計會再嚟, 影張相先.

跟著我們去食晚飯, 嚟到葡萄牙, 梗係食葡國菜啦.

餐廳都ok架.

又係可以選擇飲紅酒或水

呢的都包都幾好食

 
有沙律

主菜有薯仔燒雞

 

鮑魚串燒

炒薯絲, 呢碟薯絲好好味喎!

炒飯

勁多薯仔, 除燒雞有薯仔, 炒薯絲, 仲有一碟烚薯仔, 唔會食唔飽, 睇你肯唔肯食啫.

甜品有葡撻, 但的餡都係custard, 唔係雞蛋.

食完我地返酒店, 今晚住Hotel Holiday Inn Express Alfragide

哈哈, 酒店大堂似Disco呀!

酒店房間都ok (住完間甩星酒店, 呢的一定ok啦)

洗手間都好整潔, 起碼有洗頭水, 護髮素, 沖涼液(雖然全部自己都有帶).   其中有幾間酒店淨係q提供一種"清潔液" all in one, 洗頭沖涼都係佢, 唔用啦.

今晚好唔得閒呀, 要執好的行理, 買到爆哂喼, 要放的落姑奶個喼先攪得掂呀!

明天仲有半天行程便要回香港了.