老趙越南餐廳

Dec 9, 2015,Wednesday afternoon

呢兩日天氣都唔好呀!  今日食午飯時間下雨, 有問題啦.

一下雨附近嘅餐廳就會全部爆滿, 因為個個都响附近食, 唔想行遠的呀!

我地都唔例外, 行去文華中心就算, 海鮮站無位就上樓上.   見到阿趙無人龍, 咁就行埋去.  我地三人行無位, 但兩位加一位分開坐就有位.  咁就分開坐啦, 橫掂慢摩摩今天趕著去Semina, 食完可以走先.

我要了咖哩雞飯, 因為老趙的咖哩出名呀!

哈哈, 跟著就變成咖哩雞豬扒飯

因為麻煩鬼要了香茅豬扒飯, 佢分一塊豬扒比我, 我分的咖哩雞比佢咁就變成雙拼啦.

呢道的咖哩汁真係整得唔錯, 不過的雞就麻麻啦.

午餐包飲品, 要了蜂蜜柑桔露.

 
一份午餐, 五十元包飲品, 都算抵啦.