雙牙之旅 - Day 8

November 20, 2018, Friday 馬拉加 - 直布羅陀 - 塞維爾 - 觀景台 - 聖米高鐘乳石洞

昨晚响甩星hotel瞓咗一晚, 梗係瞓得唔好啦.

 

落到去餐廳食早餐時同的團友講起, 哈哈, 原來好多人都唔敢蓋嗰張响衣櫃入面嘅毯, 好多都話著多件衫, 蓋件羽絨瞓.  不過佢地房間嘅電話同吹風機都無問題.  但係房間無wifi就好有問題啦.  呢的酒店out咗的啦.  要寫的意見先得.

今天早餐, 粟米片, 麵包, 生果.

臨走前影番張清楚的甩星hotel嘅相先.

食完早餐, 坐了1.5小時的車到了西班牙邊境, 我地要去直布羅陀

落咗旅遊車, 導遊帶我們行過兩地海關.   我地只需要拿著証件便可, 海關人員並無檢查, 亦都無蓋印在passport上.

直布羅陀係英國殖民地, 好耐無見過呢的電話亭同英文路牌啦.

除了人要過關, 開車嘅都要過關

跟著我地上了一架旅遊車, 司機就係當地導遊, 行行吓見到的車停哂, 原來有飛機降落

原來機場就喺不遠處

司機載我地穿過山洞, 去到第一個景點, 觀景臺

聽就聽得多啦, 卒之今天自己親身嚟到直布羅陀海峽.  响呢道影咗好多相呀!

跟著又載我地去下一景點聖米高鐘乳洞

鐘乳洞在山上, 上到去眺望下去, 一樣咁靚.  依利沙伯皇后同皇夫都企响呢道影過相架.

鐘乳洞都影咗好多相.

除咗鐘乳洞, 呢道仲有最出名係無尾猴.   佢地習慣哂的遊人, 我地好近影相佢地都唔驚架.

跟著在市內兜一圈, 我們便離開直布羅陀

步行回西班牙

大約行15分鐘, 我地去到食午飯嘅地方.   呢道一樣有中國餐廳

又係六餸一湯, 白飯任裝

食完飯又繼續我地嘅行程, 兩小時的車程去塞維爾, 西班形廣場

我地好好彩呀! 今日無咩遊人.   四個小生去旅行, 謝老四都响呢個水池許過願.   哈哈, 我都唔知要求咩, 最緊要一家人身體健康, 平平安安, 工仍順利咁啦.

 

唔知點解好開心見到的馬車同汽車同時响馬路一齊行.  哈哈, 呢個老外馬車夫好似矮版謝老四呀!

 

呢個係吉拉達塔

跟著下一個行程又去睇教堂呀!

 

塞維爾大教堂.  呢個教堂又真係幾靚

行完教堂我地又可以去Shopping

呢道的小檔全部都係賣的手工兿品, mini版火腿, 好得意呀!

下次有機會自遊行嚟, 我都要坐呢的電車呀!

 

呢個好似係塞維爾鬥牛場(我都唔係記得好清楚啦), 好彩呢段時無鬥牛睇, 咁殘忍, 真係唔想睇

黃昏美景, 有暴光同無暴光差好遠.   黑黑地嗰張靚的

左手面係卡洛斯五世像, 面對面馬路係卡門像, 黑麻麻我都唔想行過去影呀!

 

導遊攪掂啦, 我地今晚睇Flamemgo Show

餐廳入口

座位分上下兩層, 前排坐位只供飲品.  我地坐後排長餐檯, 一路食晚飯一邊睇

先去睇吓洗手間, 的border 磁磚, 好有西班牙feel

今晚飲品可以選舉Sangria, 汽水, 紅酒或水, 我選了Sangria

 

麵包, 茄汁長通粉, 的通粉過諗, 唔好味呀!

每人仲有一份雞髀著條, 但的雞髀好嚡, 唔好味呀! (有的團友話的雞用霉霉地).   反面個甜就好的 (好味過甩星酒店嘅自助餐).

睇表演時唔可以影相, 但最後15分鐘就可以影相.

睇完show 我地就返酒店

今晚住的酒店 Hotel TRH LA Motilla

酒店大堂都ok

房間都ok呀!  自從住過甩星酒店, 呢間一定好過佢.

哈哈, 塞經爾酒店洗手間, 裝修都係吉歡用藍色磁磚做border line.

今晚係我地响西班牙最後一晚, 明天會去葡萄牙呀!