February 26, 2016, Friday
經過昨天嘅經驗, 今日我地個個都知道食早餐係要自己煮嘅, 時間上嘅安排就會預鬆的.
要者今天早上, 我每會分兩team人出發, 一team去明洞買化妝品, 食醬油蟹, 另一team就會去南大門買童裝. 哈哈, 我同型爸梗係去明洞嗰team啦.
至於早餐, 好窩心呀! 又係型爸煎雙蛋比我食呀! 响香港咁多年都係我整比佢食咋.
栗米片
麵包. 早餐食呢的, 夠哂啦. 响呢間Mini Hotel 住, 好有屋企feel呀!
我地食緊早餐時, 南大門組已經出發, 佢地行完南大門, 都會去明洞, 所以早的出發. 我地就遲少少先出去, 怕太早去到明洞, 的鋪頭未開哂呀!
我地去到明洞, 去到呢間店, 見到呢隻大熊, 梗係要影吓相啦. 平時呢道太排長龍, 今日可能係weekday, 時間又早, 所以唔係太多人.
亦都有可能係少咗好多國內遊客, 條街唔算多人. 相比起上次嚟真係少咗的遊客喎.
買滿500,000won化妝品送旅行箱...哈哈, 唔係我一個人買咁多, 係我地幾個人夾埋先買咁多啫.
跟著見到有Daiso, 又係掃的10,000won東西, HK$6.3...好抵呀!
最好嘅就係响明洞搵到退稅嘅地方, 連昨天响outlet買嘅野都可以一次過退埋, 走時去到機場就無需要左騰右騰, 淨係交張單比海關就可以.
跟著我地就去食午飯啦.
我地去食醬油蟹呀! 姪女上網搵嘅, 15,900任食, 咁就試吓啦.
用google map, 卒之搵到啦.
去到原來個侍應識講普通話. 佢話15,900won嗰款無炸蝦, 蒸蟹食, 佢介紹我地食每位40,900won嘅貴價餐. 我地研究過之後, 唔聽佢講, 我地最主要試醬油蟹, 唔覺佢的炸蝦蒸蟹有幾好. 貴咁多, 都係食每位15,900won嘅就ok啦.
餐包咗每人一個蟹蓋飯, 飯上面有一隻鵪鶉蛋. 睇唔出, 呢個蟹蓋飯又幾好味.
呢碟就係醬油蟹, 可以任添食, 但唔可以浪費. 味道都ok, 但我就覺得鹹咗的.
而呢款都係醬油辣椒蟹, 都幾辣架.
除咗醬油蟹, 仲可以出去攞其他野食.
有瀨尿蝦, 咖哩薯仔雞
仲有沙律.
食完我地就行返去酒店
隨處都係呢的小檔. 啱啱食完飯, 食唔落啦.
其實我地食醬油蟹, 都係响東大門, 只不過唔同方向, 我地要行返酒店, 行落隧道就快的. 呢條隧道有呢的韓國古裝公仔....
哈哈, 因為呢道真係買韓裝呀!
經過見到呢款韓國麵漢堡, 好想試呀! 哈哈, 用麵嚟代替漢堡包, 好可愛呀! 但呢一刻真係食唔落.
我地約咗另一team四點半酒店等, 但我地無人返去酒店休息, 個個都响酒店附迎買買買. 結果我地買到六點先出發去食晚飯.
姪女有的緊張呀, 佢話我地人多, 唔早的去餐廳, 驚無位呀! 買到一袋袋, 拎哂的戰利品返酒店先再出去.
姪女又帶我地搭巴士, 去邊道落車我真係唔知, 全部都係韓文.
都搵咗一陣先搵到呢間餐廳, 呢間叫Pearl of mud flat, 沙灘上的珍珠, 今晚我地食海鮮呀!
真好彩, 去到唔算太多人, 佢地比咗個corner我地, 我地要四個人一張檯
每人飲杯麥米菜先
四個人一檯, 每檯一個海鮮鍋....勁大鍋呀!
海鮮鍋跟咗一客脆耳, 係豬耳嚟架, 整得幾好味.
個海鮮鍋真係好大, 隻帶子連殼成10"長呀! 鍋底好多蜆, 多到食唔哂.
我地另外跟了一碗拉麵, 的湯都好辣呀!
其實個海鮮窩可以跟刀削麵, 佢地會將食完鍋入面的海鮮湯, 用來煮刀削麵, 都好好味呀!
到我地食到差唔多去洗手間, 嗶, 外面排哂長龍. 咁我地都快的走還番四張檯比佢地啦.
食完飯我地搭地鐵返東大門, 仲有節目呀! 去公園行吓當飯後散步啦.
就係呢個東大門歷史文化公園
呢個公園係名師設計
外型好特別架
呢一堆泥都係特別嘅設計
呢幾個飲水機都好特別呀!
呢道都有花海, 任影, 唔使去金鐘迫呀!
我地响呢道影咗好多相呀!
跟著慢慢行返酒店, 又過咗開心快樂的一天!
沒有留言:
張貼留言