生曬蠔豉蜆肉瑤柱肉丸粥

March 6, 2016, Sunday

今日行新娘潭行咗兩個幾鐘, 都算好快, 亦都唔覺得好攰.

既然唔攰就諗吓整的咩野食.  上次整蜜汁煎金蠔時, 見到仲有生曬蠔豉, 的蠔鼓本來要嚟炆冬菰, 但近呢兩年都好少炆呢的過年餸, 今日要嚟煲粥啦.

的蠔豉從竹籤上取出洗淨,

 
用水浸軟, 的浸蠔嘅水可以留起加落的煲粥水

上次响流浮山買咗包蜆乾, 浸咗一碗又加埋落的粥底.

半肥瘦豬肉剁碎, 調味, 一陣用嚟整肉丸

用萬能煲煲個粥底, 入面有瑤柱, 蜆肉, 蠔豉....試味, 已經甜到不得了

將的粥底轉落皇后煲用嚟生滾肉丸.  的粥一落名火大滾, 即刻變綿.  肉丸無需壓得太實, 我只係用兩隻匙羹嚟整.  的肉丸滾起浮起即係熟嘞, 滾多兩滾就得啦.

另外叫Cindy炒咗個洋蔥雞絲米粉.

的粥非常甜, 好正.   哈哈, 太美味忘記了影相.

諗吓諗吓, 如果改用鯪魚球, 可能一樣咁鮮味.  下次可以試吓!

型爸食咗三湯碗呀!