尖東百樂門宴會應

March 23, 2016, Wednesday

今日我同慢魔魔請秘書小組食生日飯呀!

秘書小姐唔係今日生日, 佢本來係月初生日, 但丁父憂, 等佢攪掂哂的家事, 先同佢出嚟食飯.

地點比佢地揀, 秘書小姐無意見, 慢魔魔就提議去百樂門, 佢話百樂門近來做優惠, 佢同我地提過幾次, 但我地次次都無去飲茶, 咁就今日去啦.


去到我地就跟呢張點心紙去研究我地要幾多連環呢,最後,我地三個人就揀三連環啦.  五樣之中, 選了三項.  點心四款, 小食兩款, 湯米一鍋, 以我地三個人2.5計算, 應該可以食到.   呀!  今日優惠係如果兩點前埋單離開, 送乳鴿一隻.

小食要了火腩仔及脆皮豆腐

點心要了煎蓮藕餅

义燒腸粉

  
鮮竹卷

  
菜苗餃

 
魚腐湯米線

 
送乳鴿一隻, 呢隻乳鴿比龍華酒店好食的.

呢道的點心做工有的粗糙, 唔係幼細嗰的.  但味道都ok嘅.  但最唔掂係碟煎蓮藕餅, 咬落去好多粉, 味道唔好.

最終我地都係食唔哂, 慢魔魔食得好慢(唔係點叫慢魔麼, 行路都慢幾拍), 佢話好飽, 我叫佢放棄那年蓮藕餅啦.

呢餐埋單HK$222, 其實個三連環只係HK$168, 但酸菜收HK$20, 加埋茶錢加一, 咁就變成二百幾, 佔food cost32%.

咁去飲菜就係咁, 咁大間酒樓, 咁貴租咁多伙計, 呢的都係收入的一種呢!