大紅袍四川麻辣火鍋

March 5, 2016, Saturday

趁著放假, 一早出去同奶奶飲茶, 跟著去探媽媽.  媽媽活動能力低咗, 唔肯出去飲茶, 通常都帶的野比佢食.   兩個哥哥從加國回來過年, 媽媽好開心, 呢排精靈咗呀!

下午去買餸, 型爸又問我今晚食咩好....哈哈哈, 佢又嚟啦, 仲使問...想打邊爐就打邊爐啦.

 二公子聽到打邊爐就開心啦 (我都唔知佢兩個點解咁鍾意打邊爐), 問我用咩湯底.  我拎咗幾包比佢揀, 佢揀咗呢包大紅袍四川麻辣湯底.

 火鍋配料都係嗰的, 手切肥牛

 脆肉鯇
 

 手打魚蛋,牛丸, 馬鮫魚蛋

 麵筋腐皮

水魷

 今日買咗三款菜, 菜心苗, 豆苗, 生菜.  一食麻辣火鍋, 我即刻同Cindy講, 將的菜焯咗佢, 我唔想放入的辣湯底入面...辣菜攪唔掂.

 
 三個人都好豐富啦! (連埋Cindy 四個呀)

呢個麻辣湯底好辣呀, 但偏鹹.

唔知係咪大辣關係, 食完個個都話有的肚痛, 唔係係辣得制濕熱定係咩, 好彩去完洗手間清咗一兩之就無事...唔係食物中毒.

下次唔買呢款湯底啦....死嘞, 唔知上次買咗一包定兩包呢?