韓國大醬撈麵 + 阿一鮑魚

March 4, 2016, Friday Night

忙足一個星期, 雖然係Friday night, 個人仲係好uptight, 個腦成日轉來轉去, 都係公司的事.  哈, 咁嘅狀態, 點會有的咩野好煮意吖.

Cindy放假, 唔出去食就要煮, 即刻諗起响韓國買咗包麵返嚟, 今日就煮嚟食.

 呢包麵要5,000 won, 大約HK$30一包, 比起的辛辣麵貴少少,  韓國大醬撈麵, 買嚟試吓.

諗吓有咩唔使煮又即食呢!  有, 攞礶名一鮑魚出嚟.  倒落湯碗, 加蓋入蒸爐, 一蒸就得.

 呢個時候就煮麵啦.  5+1,  一包有六個麵, 三個人煮三個麵得啦.

 睇包裝就真係唔迫睇, 坐部都係韓文, 但睇圖再見到有個600ml, 有個3 字, 又有個5字, 唔係煮3分鐘就係5分鐘啦.

 懶, 用鑊煮, 水滾落都餅

 跟著落包乾蔬菜

 再落味粉, 煮法同即食麵無分吃.   的湯料好深色....煮呀煮, 煮咗5分鐘, 應該差呂多啦.   最特別係煮完唔要的湯, 淨係要的麵(幅圖係咁架麻)

 呢, 咁就變成大醬撈都.   放三隻鮑魚上去, 即係成為大醬鮑魚撈麵....(阿仔, 無法啦, 阿媽好忙, 係咁上下啦.)

為了加點韓意, 拎枝韓國米酒出嚟應應景...型爸...飲杯.

明天唔使返工...可以好好休息一下...yeah!