今日晨早起身，食早餐時就清靜很多，無人爭著用煎pan煎雞蛋啦。 因為團友們都已經出到機場。 只有大姪女留下來工作，遲幾天才回香港。
食完早餐，我仲要出去買漏買了的東西，初時都擔心買唔到，怕未開檔。 幸好共中一檔伯伯剛開檔，卒之買到了想買的東西。 收到姪女的whatsappp, 機場好多人， 叫我地提早出機場。 本來預算十點先去坐機場巴士，九點半馬上提早出門。
响東大門上車真係好彩，上車時有大把位，但遲多幾個站，有的人帶著行理就唔可以上車，因為行理架及車底的行理箱己滿。 一上高速公路，見到海邊好似好多泥...
大約一小時二十分鐘便到達機場
機場真係好多人，我地check in 排隊足足排了一個小時。 我地兩喼嚟，四喼返。
好彩姪女叫我地早的到咋，check in一小時，過security又半小時，跟著過關。
亦都好彩响明洞做了第一part退稅攞咗錢，去到機場只需要把退稅單交回海關便可以（退稅時千吩萬咐要我地在機場交回海關，如果唔係，可能會在我們的信用咭扣回退稅及罰款）。 而呢個交稅單嘅動作，在排隊check in時型爸就去做咗啦。
攞咗boarding pass，過關後，剩吓嘅時間不多
見到Premium Loung好近我地登機閘口，咁就上去食的野...
好準時boarding，上到飛機諗著好快起飛啦，點知廣播話仲欠兩個乘客，我地要等等等. 當時都好擔心，如果搵唔到兩個乘客，要off load佢地的行理，仲大件事，仲有排等。 過咗二十分鐘，那對迷失了的乘客, 那對中年夫婦卒之出現....
諗著馬上會起飛啦....點知又經歷了天有不測之風雲....短短二十分鐘內，竟然積雪。
上到飛機不久，覺我個天有的白色東西飄吓飄吓，越飄越多
跟著就落雪，越落越大，窗外鋪滿了雪. 外面地下都變成白色。
機長廣播，又要delay清理積雪， 好彩都唔係delay好耐，一個鐘就起飛啦。
遲了一小時，六點半先到香港. 每次回港都歸心似箭，掛著兩隻寶貝呀！
返到屋企兩隻寶貝發哂顛咁撲埋嚟，我地行理都唔攞入去著，要比佢錫番夠本先.
Ｃindy已經準備晚飯等我地。
哈哈，真係有的掛著家中嘅幾餸一湯呀！
回歸現實，旅行玩完幾日，今晚要收拾心情，明天又要返工博殺啦。
沒有留言:
張貼留言