南涌新娘潭行山樂

March 6, 2016, Sunday

呢排行山, 來來去去都係車涌去尤德亭, 跟著就行不同路線行返去南涌.

 今日我地行遠的, 由南涌出發, 行到去新娘潭.  為咗呢條路線, 我地三家車先响南涌集合, 放低我地先行出發.   跟著三個司機組員開車去新娘潭我地路線終止嘅地方, 泊低兩架車, 跟著第三架車開返去南涌join埋我地....哈哈, 聽到都有的煩, 但咁樣我地走時就唔使擔心無車坐啦.

一口氣行到直昇機坪

今次行紅色點點嘅路線, 八仙嶺郊野公園

 

 去到尤德之後嘅路就比較難行.

由尤德亭去到新娘潭大約1.75小時, 即係話我地今日大概行兩個幾小時

途中有朱古力補充體力

全程都係睇路牌走

去到的交犬义點就小心唔好行咗方向

去到新娘潭路標交匯點, 嘩, 好多行山客, 十幾廿個, 個個都喺交匯點休息吓. 

太多人我地都唔停留, 落山啦.   呢道有段路整得好靚, 但只是一段, 我地估計應該唔係政府起, 唔知係咪嗰邊有座好靚嘅山墳, 佢的後人起嘅呢!   不過春秋二祭, 佢地行山嚟都幾係.

落山的路唔易行.  我地係落山, 但如果由新娘潭八仙嶺郊野公園出發, 咁就係上山, 我地迎面都見到好多行山客.

落山時間大概半小時, 呢段路都好攰.  一見到馬路就已經係新娘潭, 對面係新娘潭自然教育徑.  我地兩架車就泊係對面停車場

呢個就係我地剛啱行完落嚟嘅出口, 亦都係八仙嶺自然教育徑另一邊入口.

行完好肚餓, 出發去沙頭角海景食午飯, 呢道的野經濟低食, 的野食都唔錯架.