唯屋客家土菜館

March 18, 2016, Friday

今日國內公司攪年慶, 一早上去做的預備工作.  今年只係細規模party, 只有幾圍, 非常輕鬆, 完全無壓力呀!

下午同的同事出去食午飯, 帶咗我去一間開了不久的客家菜館.

叫唯屋客家土菜館

 

呢間餐廳都幾好生意喎, 有古舊的裝飾, 但又唔古舊得哂.

入到去, 吓, 點解檯中有個鑊嘅?

再睇吓收銀杜側邊, 有個阿姨响道炒呀炒, 炒完又加的汁落去炆, 原來佢响道整緊客家炆鵝呀!

同事問我要唔要食, 哈哈, 嚟到見到, 梗係要食啦.  本來其中兩位同事坐咗入去入面卡座, 但入面無的檯無中空的瓦爐, 吓, 炆好先送上嚟....唔好, 換過第二張檯啦.

呢! 張檯就係咁嘅, 中間一的都唔靚仔, 入面亦都無gas爐或電爐, 哈, 咁點炒呢!

我地只得四個人, 叫了半隻鵝, 一客炒秋葵, 一客客家釀豆腐, 一客燉豬肉湯, 應該好夠啦.

炒秋葵先上

跟著係客家釀豆腐, 的豆腐好滑, 食完三件豆腐, 我已經好飽啦.

 
跟著燉豬肉湯都嚟啦.

差呂多飽啦的鵝都仲未嚟

卒之嚟啦, 原來的侍應會放的燒著嘅炭落去, 跟著再加幾嚿新炭

跟著放鍋炆到五六成嘅鵝, 再幫我地炒吓炆吓, 又話食得.   吓, 的鵝肉仲有的韌喎, 炆吓添啦.  不過的鵝又真係炆得幾好味.
.

呢的係送嘅配菜, 白蘿蔔豆卜放落去, 炆幾炆已經好好味.  不過食唔哂啦, 要打包拎走.

那位經理好客氣, 逐一派咭片.

呢餐食咗人仔283, 每人大概70元, 香港食鵝, 半隻都要二百幾啦.