呢幾日買買買, 食食食, 買唔停, 食唔停.
昨天分開兩team去買, 約定四點集合出發去食晚飯, 結果大家買唔停, 在酒店附近試衫試褲, 個個都買(除咗三個姪女, 佢地嚟得太多次, 無哂感覺). 結果延咗兩小時先出去食晚飯.
姪女話昨天未買夠的話, 今早比多的時間我地繼續買. 十二點先出發, 直接去食午餐. 哈哈, 我地梗係開心啦. 食完早餐, 又去買, 的韓國保暖衫褲, 又平又暖又舒適, 昨天買咗之後, 個個都忍唔著即刻著, 今朝繼續去買. 的褲仲幫我地改埋長短, 真係買得好開心呀!
買完仲有時間周圍逛, 不過買還買, 個個都好準時, 十二點準時出發.
姪女比我地選擇, 我地可以去食韓國宮廷菜, 又或者食特色嘅素菜...哈哈, 我地個個諗都唔諗, 個個都話今餐就哂姪女, 去食素啦....出發.
姪女帶我地坐巴士, 佢話可以坐巴士嘅地方就唔搭地鐵, 唔使我地响地鐵站上上落落咁辛苦.
我地由東大門, 坐幾個站去到仁寺洞落. 哈哈, 今次旅行個個唔使帶個腦, 又買又食跟著行就得.
落車行去搵餐廳時, 忍唔著又買野食, 呢的煎餅有多種味, 我地揀咗咖哩味,
今日係星期六, 條街多咗好多人呀!
又有野食, 牛奶紅豆短
買咗十個請大家食
就係呢間餐廳山村素菜
好出名架, 上網一查就會查到, 紐約時報都訪問過呢位主持
跟著大家坐定定飲杯茶
我地唔使點菜, 入嚟係由佢地決定比的咩野我地食.
條餐巾都好有特式, 麻布來的
食完第一道菜, 有時間就睇吓的簡介
又有菜上, 感覺係什菜沙律, 串燒菇
跟著仲有素菜斧飯及大醬湯
我地坐檯椅有靠背舒服的, 入面要坐地下唔啱我地坐呀!
呢餐食咗我地兩個鐘呀! 大家都好開心好滿意, 多謝姪女的安排.
食完姪女帶我地又去行人人商場
今日係星期六, 好多人呀! 好多人排隊買米田共餅
我地坐電梯上到四樓, 再慢慢行落嚟, 呢道長方形設計, 無需行樓梯, 沿著行的路斜斜的就可以行到落地下.
呢道好多都係年輕人自製嘅DIY制品
但實在太多人, 跟本就人多到唔會行入的小店入面睇, 兜咗個圈, 我地唔行啦. 出去行大街啦.
呢的係咩???
哈哈, 又見到呢位阿朱媽, 兩年前嚟, 都係見到佢買同一樣東西, 就係佢地頭頂嗰枝小花夾夾, 好多拍緊拖嘅年輕男女, 都買一朵夾在頭髮上.
行行吓, 佢地話今次嚟韓國, 未食過人參雞, 講吓講吓又想食...哈哈, 四點幾, 人參雞做tea.
我入去間餐廳, 我地十二個人, 要六份人參雞得唔得, 我地只想試吓, 如果每人食一份真係食唔落. 呢個時間無咩客, 個侍應話ok
人參雞到啦...除咗嗰鍋人參雞, 仲有泡菜.
食完我地去下一節目, 行廣藏市場. 呢個地方又係好出名, 上網一查就查到.
行行吓, 我地覺得好特別, 今日見到好多韓國男女穿著韓服, 後來姪女問佢朋友, 原來今天係韓國元宵節.
跟著見到仲多警察, 有的仲有防暴裝備, 上到地面, 嘩, 對面馬路仲多. 姪女馬上打whatsapp佢做警察的朋友, 原來有示威呀!
星期六, 呢道好多人呀! 塞滿哂人, 舉步艱難呀!. 哈哈, 見到座鞋山, 唔明白店主點做生意呢! 放响底响的鞋壓到扁哂, 邊有人買呀!
大部份都係食大排檔食肆, 有空位坐落去就可以叫嚟食. 我想食的炒連糕, 叫咗一碟試吓. 麻麻地啦, 咁多人咁迫, 其實我唔係好like.
姪女highly recommend嘅綠豆餅, 佢話呢檔係最好食, 買咗兩大個, 大家share嚟食, 配以洋蔥汁, 都幾好味. 但要企响道食, 有的麻煩啦.
繼續行都係食肆, 兜咗一個圈我地就離開.
佢地返酒店附近食的野, 明天佢地搭早機，五點搭車出機，要早的食野早的瞓。
我同型爸搭中午機，今晚可以夜的，梗係唔好嘥時間，搵節目啦。.
嘻嘻, 嚟過韓國幾次, 都無試過的汗蒸幕, 今次要試吓啦. 明天都要走啦, 今晚唔試等幾時.
姪女指示方向, 我地自己去.
去到Dooter 商場嗰邊, 有隊女子樂隊在表演, 好多人圍著睇及影相. 可惜我地唔知佢地係咩野樂隊.
其實來來去去我地都喺東大門附近. 呢個地鐵出口DDP, 就係昨天我地晚上去嘅東大門歷史公園.
面汗蒸幕就係Good Morning Plaza Ｂ３Ｆ
落到去就見到 Welcome To Sparex
呢間就係啦... Ｋｏｒｅａｎ Ｔｒａｄｉｔｉｏｎａｌ Ｓｐａ，不同時間入場不同價錢，現在晚上七點幾，我們每位8,000won...超抵，ＨＫ＄５０左右，唔試吓點得。
外面的天氣很冷，的人入到嚟都未捨得即時除咗頂帽。
付錢後，給了我們每人一個手牌兩條毛巾，紅牌女士，藍牌男士。
男士女士分開進入更衣室， 先除鞋，用鎖匙打開儲物櫃將鞋收好。
進入更衣室後， 入面仲有另一個儲物櫃，同一個號碼，將所有衣物儲存在入面，拿了毛巾先去洗澡， 才可以落水池浸浴，就好像浸溫泉一樣。 呢道都可以要人擦背或按摩，但要另外收費。
浸完之後就穿上浴衣，落下一層汗蒸，咁就可以同型爸一齊嘞。
呢道寫著有汗蒸房及冰房
我地未嚟過，一落到去，見到好多人周圍瞓...但點解唔熱嘅，哈哈，原來呢的坐部係休息地方， 嗰的長方型洞就係比的人個以獨立一個人瞓入去。。。真係唔慣。
呢幅係整個spa平面圖
卒次目到兩個"焗爐＂啦，一個１１０度，一個８９度，兩個蒸幕我都走過入去焗一焗，都真係無咩趣
兩個焗爐放連在一起，入面就好似蒙古包，大約可以坐十幾個人
呢邊仲有三間蒸房，熱度比較低的
四十幾至六十幾度
呢道好多韓國人嚟，好多帶埋小朋友，仲帶埋被鋪入嚟休息。
復古裝飾
吸煙房都有兩間
呢道仲有food court, 我睇過的餐牌，無咩野想食，見到其他人食緊嗰的，一的都唔吸引
逗留咗一小時，我叫型爸走啦。 其實汗蒸就係焗子桑拿，感覺一般啦，見識吓啫。
我地入咗間麵店，呢間唔知係咪素食店呢，餐牌上唔見有肉，全部都係麵條豆芽菜之類， 價錢仲好平添。
我們點了餃子
烏冬面
送上蘿蔔及泡菜
食完返酒店執行理，買咗好多野呀！ 要將的野塞哂入喼呀！
沒有留言:
張貼留言