邪惡再來

May 20, 2016, Friday

呢個秘書小姐, 真係魔鬼嚟架, 佢話今日出開去, 會經過麥上日光(Guschlbauer) 奧地地芝士流心包, 問我要唔要....我諗吓, 都好啦.  HK$80/4個, 每人兩個啦.

 

真係好邪呀!  一個放入雪櫃明天做早餐, 另一個攞番屋企比型爸同二公子試吓.

第二天, 跟佢介紹嘅食法


切咗三份一個, 放入微波爐叮十秒....真係流心啦. 


有的甜....邪惡.

另外那三份一, 凍食,無需翻熱....

嘩! 好味呀....好似芝士蛋糕呀! 仲無咁甜添....我鐘意凍食多過熱食呀!

忍唔著, 食埋那三份一.....攪唔掂, 太多太膩啦, 下次"最多"只可以食半個, 真係膩到上心口.

另一個攞咗返屋企, 雪咗兩日先記得食(因為型爸出咗差) 

食完飯要嚟做租品.  佢地話好好味呀!  二公子話得閒要"多的"買返嚟食.

咁邪惡嘅野, 久唔久食吓好啦!  阿仔, 你仲有好多位置增肥, 媽媽無位架啦.