雞蛋煎豆腐

May 29, 2016, Sunday

今日行完山, Cindy見我好似好攰, 話要整樣新餸比我試吓.    哈, 不論碟餸好唔好食, 淨係佢肯諗吓新餸都已經好啦.

呢, 就係呢碟雞蛋煎豆腐嘞.  佢將盒裝豆腐切片, 沾粉後半煎炸至脆皮, 跟著回鑊加雞蛋炒.  哈哈, 唔知點解緬甸餸咁鍾意加蛋.  炒菜加蛋, 蒸豆腐加蛋, 連魚湯河都要加半隻烚蛋.   呢碟餸其實無咩味道架, 但我地三個都食哂以作鼓勵.

碟雞蛋煎豆腐就無咩味, 但我教佢呢碟蒜頭豆豉南瓜炆排骨就好味好多啦.  我同型爸都鍾意食, 但二公子就話唔啱口味, 佢唔喜歡南瓜, 的排骨布骨又話麻煩(真係暈低),  佢叫Cindy煎午餐肉.  無問題, 我同型爸食多的.

仲有蝦醬通菜, 我地三個都鍾意食.

三文魚栗米紅蘿蔔薯仔湯

呢三餸一湯, 仲有加埋煎緊嘅午餐肉, 大家各有喜好啦.