May 22, 2016, Sunday
昨天星期六剛開完電動麻雀機派對(呢個名係味好聽好多呢!), 今天星期天就去行山, 安排得好, 節目豐富呀!
今日大家都興奮, 因為行新路線呀(咁組長梗係行過, 由佢帶我地行啦).
早上八點半出門, 大約九點半到達西貢大網仔路, 泊好架車, 再坐綠色的士去萬宜水庫. 因北潭涌那邊是禁區, 私家車不可進入, 唯一交通工具係的士呀! 車費大概一百元啦. 我們一行七人, 要兩部的士呀!
一落車已經係萬宜水庫, 如果由北潭涌行入嚟要行10公里, 最少四五小時, 我地頂唔著, 要留番的力行浪茄.
今日呢道好多遊人, 入嚟嘅的士真係好多. 原來昨天西灣那邊山泥傾瀉封咗路唔可以行, 的人坐部谷哂嚟呢邊. 本來我地諗著行東壩再去行落北丫食海鮮, 點知去北丫嘅路都封埋, 睇嚟一陣要原路去原路返.
呢道係香港其中一個名勝, 香港世界地質公園
呢邊係萬宜水庫
而呢道邊就係東壩
比個近少少鏡睇, 呢的都係防洪水嘅可墩. 二十多年前向日本訂製的.
沿路行落去, 的山石非常特別, 唔嚟過都唔香港有咁靚嘅地方.
呢邊嘅石山又有所不同, 仲有條小瀑布
當我地行到落東壩, 的可墩好大呀! 每一個可墩都有一個編號
好多可墩都被人塗鴉.....實在太多沒公德心的人....
車我地嚟嗰位司機叔叔講, 呢的石墩嘅排列方法全都經過計算來防洪的. 驟眼全部可墩都完好, 只有一個裂開, 中間填了膠水吧!
由東壩影過去, 我們剛由那山上行過來. 跟著就會行過山下那黃色路去看蝙蝠洞
剛剛那幅相是遠景, 呢幅是近鏡, 石山非常特別
呢道有說名解釋石牆的形成
我們行的路線就好像這路線圖, 只是我們行七東壩, 再回頭行下面那蝙蝠洞
呢, 那遠遠的山洞就係蝙蝠洞
那條路仍在維修(好新淨, 不知是否新建的), 我們只可以在離洞隔著欄杆影張相
我們行回山上的涼亭....天文台話天陰會下雨, 但現在是烈日當空呀!
跟著就開始行去浪茄灣...
討厭呀, 這麼多沒有公德心的人, 隨處掉紙巾及裝紙巾的膠袋. 响呢道邊個同你清理呀!
行上第一個山頭, 望落嚟的風景真係好靚, 聽講那些山腳下的洞, 全都是被海浪長年累月打成的.
再轉多幾個灣望落去就係浪茄灣
呢段也是麥理浩徑其中一段, 跟著有個牌就寫得好清楚, Maclehose Trail (section 1) M020.
落山嘅關係, 好快就行到浪茄村. 入村嘅路有閘封著, 我地就行去沙灘. 如果由呢道行去西灣, 5公里, 大約2.5小時.
本來天文台話天陰有雨, 點知越行就烈日當空, 我心口行到頂著, 好似人暑咁, 行得超慢呀!
行到落沙灘, 先有的樹蔭, 曬到都唔想行出沙灘, 响樹蔭下影出去, 藍天白雲, 真係三十幾度都有.
呢道個牌寫著M21, 即係我地行咗好短的一段路程, 只係太曬我地覺得好辛苦.
休息一陣, 我地要回程, 一諗起之前行落嚟那段急斜石級路, 現在回程要行上那段大斜路, 己經覺得十分吃力.
唯有行吓停咚抖抖氣. 呢個揹著大背囊的人, 之前落去已經見佢地行咗一次, 現在佢地又行一次. 佢地後面那大背囊, 係滑翔降傘, 佢地行到山頂玩那滑翔降傘, 飛到沙灘降落, 跟著摺好後又在爬行上山頂, 那摺好的降傘行重, 他們行得很慢. 第一次到一男一女. 男的體力好些, 行得比較快, 女士在後慢很多. 第二之就只見那位男士, 女士可能仍在後面. 我問那位男士今天行了第幾回, 他說第三次了.....佩服佩服! 我諗我背著那滑翔降傘已經行不動.
天氣很熱, 慢慢的行回萬宜水庫, 那邊有很多綠色的士停在那裡, 我們便乘車去西貢碼頭附近去食午餐.
組長帶路, 佢以前在西貢住了二十幾年, 帶我地去一間酒家吃午飯. 七個人點了六樣東西, 應該夠吃了.
豆腐火腩, 男人的浪漫..... 型爸話以前後生出去食午飯, 常常都吃豆腐火腩飯.
店主介紹的霸王走地雞, 話好出名....把鬼, 都只係一隻一的味道都無嘅冰鮮雞.
菠蘿咕嚕肉, 呢碟好味喎.
豉椒炒蜆
蛋白薑粒炒飯
加辣豉油皇薑汁炒麵. 的豉油皇甜咗的.
食完組長佢地坐的士去攞車, 我地坐多陣就行出去等佢地.
沿路, 經過好多間海鮮酒家, 的魚缸好大, 呢的咁大嘅魚都係用嚟做招牌, 唔係食架啦.
呢間都好大間
行到出去碼頭附近, 的人多到好似行市集....太多人, 同旺角, 荃灣, 觀塘, 上水都一樣咁多人.
行完山好想快的返屋企沖個涼嘆冷氣休息吓呀!
沒有留言:
張貼留言