Nom Nom Korean Restaurant

May 20, 2015, Friday

最近去新大光燈, 發現隔鄰有一間小店, 係韓國餐廳嚟架.

呢間小店叫Nom Nom, 我地行過好多次都無留意.   嗰日去大光燈等位先發覺.  原來呢間小店都有好多捧場客, 成日都滿座. 

今日專誠去幫蠅一下, 發現那位侍應兼店長好靚仔, 講野又溫文, 一的都唔似時下嘅香港男仔.   睇佢著條短褲, 著對人字拖, 好有家庭feel喎.   餐廳只得十張八張檯, 落單執檯, 全都係佢一個人做, 佢講流利廣東話兼韓語, 覺得佢係韓國人, 唔通間店係佢媽媽開(負責廚房)?  見到餐廳牌照上有"阿朱媽"張相....哈哈哈, 真係八啩, 食餐晏都咁多事.   呢間真係好似韓國的小店呀!

叫咗兩份午餐, 靚仔哥哥好唔得閒 (佢的動作係好滋柔, 你急佢唔急嗰的), 又要落單又要執野, 見的人自己去攞飲品, 咁麻煩鬼都自己去攞.   紫色係提子梳打, 綠色係七喜梳打

靚仔哥哥即刻拎的麥茶嚟.

呢道都有三子碟

我要了石鍋拌飯, HK$65

佢馬上拎枝拌飯醬比我

落咗的拌飯醬先好味架.

麻煩鬼要了海鮮辣麵, HK$65. 佢話都幾好味.

我唔鍾意响韓國餐廳食拉麵, 因為佢地嘅拉麵, 其實就係即食麵.  要我食即食麵, 不如叫石鍋拌飯或辣豆腐湯飯好的啦.

午市無需加一.