緬甸皮蛋撈

June 3, 2016, Friday night

今個Friday night 清靜的, 無應承佢地打麻雀呀!   上個星期烏烏龍龍, 自摸詐糊又走雞, 都無心機打, 都係要休息吓先得.

返到屋企, 見到Cindy又整緬甸小食, 不停係切切切

切咗的蕃茄絲, 紅蔥頭絲

今次最特別, 佢用咗皮蛋.    我之前有同佢講過可以用皮蛋尖椒嚟做涼拌菜, 哈, 佢今日整舍緬甸版.
  

其實入面都係嗰的, 蕃茄, 生/炸紅蔥頭, 蝦米, 皮蛋.   而醬汁就用魚露.  喜歡嘅可以加檸檬汁.  但今日屋企的檸檬用哂, 無落檸檬汁.  整好最後灑上芝麻.   食落幾好味, 好開胃呢!

下次等我整中式涼拌皮蛋啦.

不過都有排無得食緬甸小食.  Cindy話好多款小食都要用佢地國家出品的鷹咀豆粉.  我買咗鷹咀豆要嚟打粉佢都話唔啱, 咁唯有等佢的鄉理返嚟帶比佢, 又或者等佢8月尾返緬甸買啦.

今晚仲有煎豬扒

炒菜

仲有蕃茄栗米紅蘿蔔肉丸湯

簡簡單單的三餸一湯.