狗狗糭

June 9, 2016, Thursday

我地呢道的鄰居真可愛, 好多愛狗人士.   對面屋的鄰居養了兩隻大狼狗, 非常寶貝.   不時買零食, 都送的比我Loki同Whisky.

端午節食糭, 哈哈, 我呢位鄰居又送食物比我兩隻寶貝...

係狗狗端午糭呀!

的Pet shop 真係識做生意.   呢款係三文魚味嘅狗狗種.

成份都好健康, 用紅米, 糙米, 粟米, 三文魚製成, 食時煲十分鐘就得啦.

咁端午所, 整的糭比狗狗食, 無理由我地無得食架.

今年的糭都係林老闆送比我地架, 送咗一隻裹蒸糭

一盒四隻紅豆豆沙糭

一次過烚哂佢, 先放裹蒸糭, 要烚30分鐘, 跟著落紅豆糭, 20分鐘, 跟著狗狗糭10分鐘

攪掂, 的狗奇糭係迷你版, 好可愛呢!

首先拆的狗狗糭, 待涼先比佢地食, 狗狗唔食得熱野架

隻裹蒸糭好大隻呀!

我一路拆糭, 型爸已經開始食裹蒸糭,  到我拆哂, 佢已經食咗一大半.  

每人飲番杯蘆薈小麥草消消滯.  

我地食緊時, 林老闆又打比型爸, 又拎多三隻糭嚟, 話係朋友包嘅.  哈哈, 好喎, 我最終意食朋友自家包嘅糭.

型爸叫我即時整多一隻, 的紅豆糭就收起佢.  

呢隻糭細小小, 要烚都要20分鍾, 咁我用濕嘅廚房紙包著隻糭, 放入微波爐叮兩分鐘

超快攪掂, 但我覺得烚嘅糭好食的,用微波爐叮, 的糯米食落口感不一樣.

呢隻糭好好味喎, 超多料, 瑤柱花生冬菰瘦肉, 好味呀!

型爸真好食力, 隻裹蒸糭佢食咗3/4, 呢隻又食一大半....

兩隻狗狗睇著我地食, 咁我地食完, 就比的狗狗糭佢地食啦.