神州菠蘿

May 25, 2016, Wednesday

今日又收到禮物, 唔介紹吓唔得.

就係呢的神州菠蘿, 中山三鄉特產. 八號屋主人知道我鍾意食菠蘿, 佢地上去探媽媽時, 訂咗一箱返嚟....哈哈哈, 竟然送咗十個比我.

呢的菠蘿有咩特色?  咪超迷你同超甜囉.    咁啱我响超市買咗個地們出品金菠蘿, 哈哈, 一個等於三個呀!

個菠蘿咁細, 我個開菠蘿神器仲大過佢, 用唔到.   哈哈, 唔使驚我仲有板斧....

登登登登....另外兩件神器, 都係用嚟開菠蘿

呢個超大批係用嚟批硬皮, 用嚟批蔗都得

呢個就用嚟起叮

哈哈, 睇吓個批大過菠蘿好多呀!

批完皮就起叮

 

 切開就攪掂.   呢的神州菠蘿超甜超好味, 中間個芯係唔需要去, 因為個芯唔硬, 好鬆化好好味添.  一次就開咗三個.

跟著開埋嗰幾個, 明天二公子的同事嚟, 可以請佢地食.

過咗幾日, 我就用個開菠蘿神器開埋個地們金菠蘿...

 唉呀!  實在差得太遠啦, 食完神州菠蘿, 直程覺得呢的唔好味呀!

點算....