重量級魚柳漢堡 - Icafe

May 24, 2016, Tuesday

有幾耐無去Icafe 食lunch都唔記得啦.  今日下午兩點要見客, 要早的出去食晏, 麻煩鬼話不如去Icafe, 早十五分鐘通常都會有位.

哈, 原來今日有重量級魚柳漢堡, 以前係逢星期四, 現在改了星期二.

咁耐無食, 今日就叫嚟試吓...因為一個餐, 我可以同型爸分甘同味.

要了蒼菇忌廉湯

有生果沙律

我同麻煩鬼都要了魚柳漢堡.

咁大份, 我就將的柳放到盡邊, 切開, 番哂成個魚柳包比型爸, 我就淨食魚柳同沙律.

其實我都好夠啦, 飲咗湯, 食咗鮮果沙律, 再食埋半塊魚柳加沙律菜, 未至於好飽, 但有八成幾啦.   啱啱好! 一陣開會唔會飽得滯想瞓覺.

至於個包, 第二朝叫Cindy將個飽同魚柳分開焗,  再將的生菜蕃茄加番落去.   型爸話的魚柳好脆, 好好味呀!

一個餐兩個人分享, 又五又抵呀!