點菜

May 27, 2016, Friday

嘻嘻, 呢排做咩咁好節目嘅, 一放工, 即刻開車同麻煩鬼&師太一齊返屋企.

Friday night, 約埋鄭媽媽一齊, 幾位舊雀友開檯呀!   佢地梗係唔想去雀會, 我屋企雖然遠, 但佢地寧願打完搭的士走都係要去我屋企.

麻煩鬼仲要點定菜, 話晚飯簡簡單單就得啦.....豉油皇雞翼, 蒸三色蛋, 粉絲蝦干炒椰菜....哼哼, 三樣夠了嗎....easy job...

知佢鍾意食雞翼, 焗多的.  唔係豉油皇, 總之係雞翼啦.

蒸三色蛋, 的皮蛋鹹蛋沉哂底呀!

粉絲蝦干炒椰菜, 真係用蝦干唔係蝦米嚟架

跟著叫Cindy整咗一碟緬甸涼拌菜

仲有焗鯖魚

昨又打包回來的填鴨殼, 今日用豉油皇芹菜炒咗佢

再整個節瓜鹹蛋肉片湯

五個人, 六餸一湯.

五號屋今日好慚愧, 完全敗北, 自摸詐糊, 頻頻走雞, 個心都唔知去咗邊, 最後都係都要型爸去櫈腳, 我去休息.

睇嚟, 每次我的精神都係去咗晚餐道, 打牌就分哂心.

咁樣證明其實我真係唔係鍾意打麻雀, 可能我只係鍾意一班人食吓玩吓咁啦.