Nom Nom 韓國餐廳

May 30, 2016, Monday

上次去Nom Nom食完個石錮拌飯, 雖然入面無咩料, 但加咗的拌飯醬又覺得味道ok, 今日同慢魔魔(上次佢無份試), 麻煩鬼一齊再嚟試吓其他食物

 去到先留意, 呢間叫江南韓國餐廳, 但外牆又貼著Nom Nom

餐牌都係Nom Nom.   嗰日Akiramay話我知, 呢間佢的同事嚟過, 應該係曾經轉過手, 但東主都係做韓國餐廳, 所以好多都慳家, 咩都無轉啦.

唔理咁多, 睇吓食咩好先...見到韓國炒年糕, 又試吓啦.

今日三個人, 韓國靚仔太子爺比咗五小碟

不過佢都係好忙, 麻煩鬼又去自取飲品.  上次礶提子汁味道好甜, 似藥水, 我唔like, 今日改飲蘋果梳打, 味道正常的.

慢魔麼要了雞肉飯, 佢話味道都ok

我要了炒年糕, 送到嚟真係有的呆咗.   真係一眼睇哂, 入面大約只有十條年糕, 另外加的洋蔥辣醬嚟炒....係咁多.  我分咗一條年糕比麻煩鬼, 一條比慢魔魔試吓, 即係話我嘅午餐只有八條年糕.   真係食唔飽呀!   佢地叫我食多的五小碟嘅泡菜啦.

 

而慢魔魔要了大醬拌麵.  佢話味道一般, 的都係即食麵.  而大將入面好多洋蔥, 只有數微微細細粒的肉.   佢比咗少少我試吓, 的大醬深色, 但無咩味, 後來加了辣醬, 咁就好味的.

每份餐都係HK$65, 但我地覺得餐嘅份量細, 味道又唔係好突出, 的野唔低食囉.

韓國靚仔太子爺, 睇嚟得閒都會好少幫襯啦.

食完差唔多走時, 收到二公子Whatsapp, 佢訂咗戲票, 今晚又有節目啦.