帝苑東來順

2012年9月16日下午12:46公開累積瀏覽 195 0

September 11, 2012. Tuesday,

今日有個英國客人請公司同事一起午膳, 呢條team有二十幾人, 再加埋客人帶了太太及女兒, 有成二十七個人, 兩圍坐唔哂, 咁我地就訂3檯, 每檯九個人, 大家都可以坐得舒服的.

 

　

地點揀咗帝苑酒店東來順

訂咗個午市套餐, 都算抵食.   訂嗰時唔覺, 原來吒個餐都係姒海鮮蔬菜為主, 無乜肉類, 只有頭盤嘅醉雞.


第一樣嚟嘅, 係佢地得獎菜龍井糖心燻蛋,

原來係鴨蛋嚟架, 不過食落又無咩特別味道

花雕醉雞, 我地中國人食就ok, 但幾位外國人就好似無咩興趣. 

蒜泥黃瓜, 鹹咗的喎.

四喜烤麩, 呢個味道唔錯.

蔥油海蜇頭.

瑤柱扒娃娃菜

京式賽磅蟹


百頁小棠菜

蒸素餃, 侍應幫我地分每人一碟.

蘿蔔絲酥餅, 都幾好味, 但我就覺得鹹咗的.

其中外國人女兒的朋友, 原本對海鮮敏感, 老闆即刻叫咗幾碟肉類比佢地.

呢碟名堂唔知係咩, 但其實食炸雞塊, 佢地好喜歡, 因此無骨.

咕嚕肉

羊扒

仲有西蘭花牛肉.

最後係豆沙壽包...好味.

我地呢檯為咗兩位小姐, 叫多咗好多餸, 食唔哂, 結果要搬過隔離檯要多的男士幫幫手, 咁就攪擔哂.

呢道的食物唔錯, 大部份都好味, 只係有一兩樣我覺得鹹咗的.  不過口味嘅野, 各有喜愛.