呢排日日顧著煮飯, 都無咩特別 idea木整咩野麵包好. 問二公子, 佢嘅答案就係芝士火腿同腸仔包啦... 上次用嘅火雞肉腿同芝士腸, 但係味山道就覺得麻麻, 本來諗著買的唔同嘅野試吓, 貴兩三倍都無所謂啦, 但出嚟嘅較果麻麻, 咁今次可以慳的, 用番的平野得啦.
麵團切割成15小分, 搓圓再蓋布發酵
跟著包上餡料做形. 入爐前掃上蛋汁
預熱焗爐180C
尚18分鐘.
差唔多得啦.
跟著入盒待涼, 放入雪櫃. 呢道可以食3餐.
芝士火腿包
沙律腸仔包...
不過整得好悶啦, 下次整咩包好呢!
沙律腸仔包...
不過整得好悶啦, 下次整咩包好呢!
整完哂又去抺廚房, 打開個雪櫃又抺吓又執吓....澎澎澎...吓, 打爛咗的乜呀! 唉吔....係我嗰樽薑酵素呀....嗚嗚鳴....我唔制呀! 點解會咁架, 我打開個Chill格櫃桶, 點解會跌咗瓶薑酵素架. 雖然剩番唔多, 都可以飲三四次架...有的心痛添. 唉! 仲要死死地氣抺乾淨個地下同雪櫃邊, 抺咗四五次呀! 的薑酵素好甜, 抺唔乾淨, 惹埋的蟻同的小強就慘啦.... 又要抺幾次地, 好攰呀! 雙重打擊.....
諗吓諗吓, 傻架妳, 明天整過一瓶咪得囉. 仲有一瓶雙龍酵未飲, 即刻開嚟試吓先.
倒咗兩湯匙出嚟, 我唔加冰, 加咗兩湯匙室溫水, 我仲係覺得有少少甜再加多一湯匙, 唔味道差唔多啦.
味道清甜, 都唔錯喎, 但係就飲唔出火龍果味同龍眼味! 之前整嘅三樽酵素(雙龍酵, 薑酵&菠蘿酵), 落糖時都係隨意落, 無認真稱過, 唔知係咪落得太多, 所以咁甜呢. 到再整石榴酵時(還未收成, 未出post)開始, 先量過生果之重量, 再計算冰糖之用量, 大約是是生果的35%-50%, 等石榴酵收成時就可以試吓啦.
唉吔, 又係充實的一天, 快的上房沖涼瞓覺啦.
沒有留言:
張貼留言