2012年9月26日下午12:49公開累積瀏覽 542
每次都係用兩個8"可以甩底嘅模, 不過要反轉個ring嚟包, 唔係脫模時就好難啦.
每袋8塊消化餅, 用棍壓碎
用50g溶牛油混合
壓成餅底放入雪櫃冷凍
呢的就係整Cheese Cake 嘅材料, 每個計: 500g cream cheese (整咗咁多次用過好多唔同款嘅cream cheese, 覺得Kraft係最濃味), 一盒sour cream (一半留嚟做餅面). 糖140g, 雞蛋一隻, 蛋黃一隻, 雲呢拿油一茶匙.
唉吔, 唔記得將的cream cheese 室溫放軟添, 唯有先用刀义鬆, 同的糖拌勻再用打蛋器打成漿啦.
跟著落蛋, 蛋黃, 半盒sour cream, 最後落vanilla oil.. 打完一份, 跟著再打第二份
跟著响雪櫃攞餅底出嚟(好彩記得未掃油, 即刻掃油先, 唔係一陣好難脫模呀), 加上芝士糊, "櫈"平, 將面掃平
預熱焗爐170C
焗一小時. 個焗爐大有好處, 一次過放兩8"模都得...真係慳時間慳電
入咗爐就整餅面啦. 半盒cream cheese 加28g 糖, 拌勻成至糊狀
差唔多得啦, 好靚呀!
左手面呢個發起好靚, 而右手面嗰個中間有一小部份無漲起, 但係有小小濃面又幾好喎.
要即時脫模. 嘻嘻, 今日一脫就得. 美滿!
將sour cream糊倒上面
掃平, 再放入焗爐焗10分鐘.
攪掂啦. 待涼, 再放入雪櫃, 最少雪4-5小時, 過夜就最好啦. 睇嚟都係要留番明天先切啦.
嘻嘻, 而家真係好方便, 都唔使點裝飾(加咗生果二公子都唔食架), 加的英文字母蠟燭就ok啦.
今日應邀參加富豪九龍酒店舉辦嘅925 annual party.
一去到嘅時候, 响門口有個香薰手部按摩counter, 個account manager猛咁叫我試吓, 咁就試啦.
一口路做手部按摩, 有一位sales小姐就介紹佢地响機場酒店同沙田河畔酒店嘅OM Spa, 個hand massage 大約做咗5-8分鐘.
呢張就係佢地嘅價目表.
今日個Party好多人呀, 應該有百幾二百人. 由酒店高層出嚟祝酒之後, Party正式開始.